تعالوا ندوب(من الذوبان)الجليد ده بالضحك

واحد مسيخ قاعد مع ولده الصغير قام جا فار جاري جنبهم..........
الولد قعد يلكد في ابوه يابا يابا الفار الفار......
الاب قال يا ولد ما تلكدني انت قايلني كديسة......
الولد رد أنا اصلي قلت ليك اكلو.....

ـ مسطول أبوهو قال ليهو:
ما دام خلاص إنت ماعاوز تخطب، أنا حأخطب ليك على ذوقى.
قال ليهو:
لا لا شكرا، ذوقك شفتو فى أمى!!

ـ قال ليك جندى كلّ ما يدخل المطبخ يضرب تحية عسكرية للتلاجة!
عارفين ليـه؟؟
لأنها ماركة جنرال.
هاهاهاهاهاها

إن شاء الله التياب طلعن قدرك!!
هههههههههه دى قويه جدآ ضحكتينا والله ربنا يجعل ايامك كلها فرح ،،غايتو ياوصال ادمنا البوست بتاعك ده اول ما ادخل المنتدى بفتحو بضحك بعد داك بشوف امشى وين
نديك واحده قديمه وكده
فى واحد حلفاوى مغترب بالسنين ذى ناس وصال وكده قام رجع السودان ايام السيول الدمرت حلفا بعدين راكب عربية تاكسى من المطار للبيت ماشايف اى بيت واقف كل البيوت مدمره ومعشكبة كل مره يسأل بتاع التاكسى ده بيت منو؟ يقول ليه ده كان بيت مهمد سالح،،تانى ده بيت مهمد احمد وبرضو مكسر،،قام مروا جنب جامع قيافه كده قام اخونا سأل السواق وده بيت منو؟ قام بتاع التاكسى قال ليهو ده بيت ربنا قام اخينا قال بالله شوف جنس الانانيه دى،

إن شاء الله التياب طلعن قدرك!!
ههههه دى قويه خالص يا وصال الله يديك العافيه
كتبته لى نكته وبقدرة قادر اتلحست قبل ماتظهر غايتو التكنلوجيا دى جننتنا فى عمرنا ده بحاول اكتبا تانى

إن شاء الله التياب طلعن قدرك!!
دى موبالغة ياوصال أضحك الله سنك وجعل أيامك افراح
فى واحد من اخوانا الجنوبين طويل جدآ جدآ اسمو الروب يوم كدة كان عندهم مناسبة زواج زمن الحفلات كانت بتنتهى متأخرة قال ليك بعد ما الحفلة انتهت قام أخونا الروب رقد تحت الكراسى بطولوا داك،جات واحدة عاوزه تنظف الحوش بتاع الحفلة واخونا ممدد طويل،،، فى البدايه هبشت كرعينوا وقالت ده منو ده،، قام من هناك قال ده انا الروب،مشت لى نص الكراسى وعترت فيهوا تانى وقالت ده منو ده،قام رده ليها من هناك ده انا الروووووب الحاجة اتمحنت ومشت قدام شويه محل خاتى رقبتوا تحت الكراسى برضو شافت ليها زول راقد قامت قالت ده منوا الراقد هنا ده قام الروب قال ليها ده انا الروب الحاجة اتحيرت وقالت ليه أجى ياالروب انت كشحوك ولا شنو

طيب هاكم دي كان في واحد البقية غدا.

ده شنو ده ياجمال البقية بكره دى اخير منها صورى المانزلت لسه مع وصال ومنذر
برضو ترقبوا الصور بكره مع نكتت جمال ،،،

يانجاة النكتة دي عيبا شنو العالم كلو بيقول ونواصل بس لمن جات علينا جاي بقت شاذة ـكويس تاني القوا اليشاركم الا كان عاملين بوش لكن غير كده نعلق الشيرن بتاعنا ليوم غدا لكم مودتي .

جمال قال:
تاني القوا اليشاركم الا كان عاملين بوش)ههههه يا جمال كل شى ولا عدم مشاركتكم يعنى اى غياب او طناش نحن ماح نقبلوا خالص ياخى مشاركتكم خلتنا نواظب على الكتابه وكده،، فهذا التهديد ح ناخدوا بالجد

كان في والي متسلط وجائر زي ناس كده يوم قال لجحا في العهد العباسي كان بيلقب الامراء مثل المتوكل بالله والمعتصم بالله والموفق بالله فاذا كنت احدهم بماذا كانوا سيلقبونني اجاب حجا علي الفور بالعياذ بالله

ههههه الارض مليناة متسلطين ياجمال ،،بعدين مسعول من الخير ناس فلادلفيا ديل حفلتهم لسة شغالة ولا شنو؟ لانو وصال دى مابراها مطولة شديد ،، يعنى مارجعت لبيتة دا لسة ،،

وصال دي شايفا حايمة في بيت الجران بي هناك وتشكر في الحفلة ساي حفلتنا الماحضروها ناس جمال وشنو داك وداك بيرقر غايتو استنيها بعد تخلص من شكر الحفلة حترجع وتشكرك علي السعال ولكم مودتي .

نجاة وجمال
ياناس يا عسل
سلامات والشوق ليكم بحر
والله مشغولية شديدة وتعب ماعادى خلّونى أبتعد شوية اليومين الفاتو
من بوستاتكم اللذيذة، بالإضافة إلى موجة الجليد التانى إتردم فوقنا ده
(أها دى فرصتك يا جمال للمزيد من الشماتة فينا)!!
الواحد يادااااب قدر يطلّع يدّو من تحت البطانية عشان يكتب ليهو كلمتين.
طبعا إنتو ما بتقصرو والله، واصلو الكتابة والقطيعة فينى وأنا عافية ليكم
دنيا وآخرة ياناس يا حلوين، ولمن أصحى من البيات الشتوى بتاعنا ده، بجيكم
صادّة بى حاجات حلوة ومزيد من النكات.
وبعدين يا نجاة أنا قلت ليكى فكّى دربى وطاردى منذر فى حكاية الصور، أو
رسليها لى جمال فى الإيميل خلّيهو يفك دربنا هو كمان، كرّهنا بى جوعيرو
الكتير ده الصور، الصور، زى الشافع النقاق هههههههههههه
لكم مودّتى الأكيدة.

ـ واحد صحى من نومو نص الليل على صوت الجيران بيصرخو، طلع
عشان يشوف الحاصل شنو، قالو ليهو فى تسمم فى خزّانات الموية.
الراجل رجع بيتو، زوجتو سألتو: الحاصل شنو؟
قال ليها: مافى حاجة، أشربى ليكي موية ونومى.!!!!

ـ مسطول ولدو عيّان شديد، ودّاهو الدكتور. بعد التحاليل والفحوصات
الدكتور قال ليهو: ولدك ده متسمم بى حليب مدّتو منتهية.
المسطول: كلامك صاح يا دكتور، رضعتو حبوبتو.!!

ـ سكران رجع البيت متأخّر، زوجتو سألتو: وين كنت لى هسّى؟
قال ليها: كنت بلعب شطرنج.
قالت ليهو: شطرنج شنو وريحتك كلها عرقى؟
قال ليها: يعنى عايزة ريحتى تكون شطرنج؟؟

ـ إتنين مساطيل بيتغالطو فى إنّو الجزر مفيد للنظر أم لا.
الأول قال للتانى: أدينى دليل على إنّو الجزر مفيد للنظر؟
التانى: عمرك شفت ليك أرنب لابس ليهو نظارة نظر؟؟!!

ـ مسطول قال لى صديقو:
أخد ليك إجازة شهر وأنا باخد إجازة شهر عشان نسافر فرنسا شهرين.!!

اهاااااا العارفو انا انك دخلتي الكمبيوتر تحت البطانية لاطلعت ايدك ولا حاجة وعاملة ليك وصلة للتغذية انا ماعارف جليد شنو ده البيهرشكم قدر ده ياحليل ايامنا كان الواحد بيقابل التلج بفنلة حمالات وخمسة قمصان وسويترين وبالطو وبطانية واحدة تقيلة وبس مع دعم الهيت شفتي المقدرة علي التحمل خلوا الخوف ياناس الحكاية تلج سااااااكت ولكم دفايتي .

قال ليها: مافى حاجة، أشربى ليكي موية ونومى.!!!!هههههههه
دى ياوصال ح تكون عجبت جمال شديد عارفة عشان المرة الفاتت رسلتة واحدة كدا ذيها عجبتوا ليك شديد وبضحك يومين،،غايتوا نفسى اعرف الح تشففوا دى ممغصاهوا فى شنوا قبل ما يبدا الشفيف ذاتوا ،،

فى حاجة عجوز مشت عملت عملية عيون قام الدكتور قال ليها ما لقينا ليك قرنية عشان نزرعها ليك بس لقينا حقت كديسة ومافى اى مشكلة لانوا قرنية الانسان بتشبه حقت القطط،،قامت الحاجة زعلت شديد من الدكتور ،،لما جاء مواعيد الخروج قام الدكتور فرحان سأل الحاجة ،،شايفانى كويس ياحاجة قالت ليه شايفاك فار فار

نجاة كيفك ومشتاقين كتير، شايفاكى الآن فى المنتديات
المصحّيكى لغاية الساعة تلاتة صباحا بى توقيتكم شنو يازولة
أمشى نومى، ماشغالة الصباح ولا شنو؟
جمال طبعا الحتشففو لأنها بعيدة منّو لاقى فرصة سارح ومارح يعنى
غاب أب شنب ولعب أب ضنب، الله يجيبها بالسلامة وبعد داك نشوف
إستعراض العضلات البسوّى فيهو ده.هههههههههه

ياوصال سلام ،،والله صاحية لانو راشد اخوى جاء من لندن وديك ياونسة وشاى بالقيمات كيتن لجمال عشان مابعرف يسوى اللقيمات،،وبعدين قلتى لى فرد العضلات دا فى وصال ونجاة ههههه لما يجوا الجماعة البشففوه يقول ليهم مابعرف اى واحدة اسمه وصال انا معرفتى كلها رجال (افوا ماقلتوا مثقفاتية)،،، اها ياجمال انا بعييييييده كان عندك اى كلام اركب الطيارة واشفط ليك كمية برد كدة وامشى لوصال وقول ليها افوا انا بخاف انا اخوك يافاطمة مافى اى مرا بتخوفنى،،وبمناسبة خوفة جمال دى يا وصال احكى ليك نكتة كانت فى التلفزيون مع فرقة الاصدقاء ،،واحد قاعد يونس فى اصحابوا ليك انا هارش ليك المرا هرشة لما اقول ياعلويييية تجى جارية لما تقع على وشها والجماعة كانوا لسة عزابة ماعارفين الهارش اخوهوا منو قعدوا يضحكوا ويصفقوا ليه قامت علوية اتصلت لما اخونا دا كان راسو كبر من الصفقة قام شال التلفون وانزوا ركن عشان مافى زول يسمع المحادثة ،،الكلام فى التلفون اى ياعلوية حاضر ياعلوية،،ح اجى راجع هسع اورق معاك الخدرة ياعلوية ،،سمح ح اجيب معاى البامبرز ياعلوية طبعا الجماعة فتحوا ليك عيونهم قدر الريال لانو صاحبهم الكان نافش ريشوا فى دقيقة بقى ليك قط وديع كلو مرة ححاضر ياعلوية تمام ياعلوية ،،وفى النهاية الكلام ليك ياالمنطط عينيك ههههههه

دى نكتة مصرية وممكن نستعمله فى السودان برضو بسبب لصيق الرؤساء بتاعننا
قالوا واحد مصرى كل يوم يشترى جريدة ويعاين الصفحة الاولى ويرميها قام فى واحد سألو بتعمل كدا ليه؟
رد عليه أصلى بأقرأ الوفيات
قال ليه صاحبو لكن الوفيات فى الصفحة الاخيرة،ردا عليه صاحب الجريدة اللى بدور عليه لو مات ح يطلع خبرو فى الصفحة الأولى

بشوفكم بتتبادلوا فيني ساااااااكت الكلام ليك يامنطط عينيك وفارد عضلاتي وصال دي انا عارفها من الاول هي لا معانا ولا مع ناس غانا هي مع الخيانة وانتي يا نجاة اخير حددي موقفك عصاية قايمة وواحدة نايمة مابتنفع وصال لمن تكون مافيشة تكوني معاي ديك يافردنة وقطيعة شديد ولمن تظهر تبقوا الاتنين علينا جاي كويس واحدة فيكم بتغيب والحور تستني لي ودمتم .

جمال: ههههههههههههههه
نجاة: عليكى بالتجاهل ولا تلتفتى إلى قول جمال المغرض، والذى إن دلّ على شئ، فإنّما يدلّ على إنّه لم يأتى لحوار ( كما يقول أهل أحد المنابر)
هسّى يجى هذا الجمال يشبكنى ليك: الا تشفى، والا يشففوكى، ويا أبو الشفيف وديك يالأسطوانة بتاعتو المابتخلص هههههههه
صدقتى يا نجاة فى النكتة بتاعة علوية، كانت فى الصميم وأظنّها أصابت ناس كده فى مقتل، ينصر دينك والله.

ـ واحد بيسأل فى ولدو: أها إن شاء الله نجحت فى إمتحان السواقة؟
الولد: والله ما عارف يا أبوى، لأنّو الزول الإمتحنّى لسع فى العناية المركّزة.

ـ رباطابى بيبيع خرفان، جاهو واحد إشترى منّو خروف، وبعد ما رفعو
فى العربية، رجع للرباطابى وقال ليهو:
وين القش بتاع الخروف؟
الرباطابى: أنا بعتو ليك مكيّف؟!!

ـ جماعة عندهم عرس، ودايرين يجيبو العروس يسيّروها لاكين ما لقو دلّوكة
قامو سألو جارهم السكران:
مابنلقى عندك باغة نجيب بيها العروس؟
قال ليهم: ما تجيبوها فى كيس.!!

صدقتى يا نجاة فى النكتة بتاعة علوية، كانت فى الصميم وأظنّها أصابت ناس كده فى مقتل، ينصر دينك والله.
سلام ياناس يا رائعين(جمال +وصال) الله يديكم العافية،،بس لكن ياوصال لو الناس البشففوا جمال طلع اسمهم علوية انا ح اودى وشى وين بس ربك يكضب الشينة وتطلع اسمه رباب ولا رحاب عشان تكون بعيدا كل البعد من علوية دى الله يجازى محنه ورطتنى مع زول عزيز على كدا،،وبعدين ياجمال المثل بقول (الخيل تجقلب ذى جمال فى فلادلفيا والشكر لوصال) تعالى ياوصال نديه شوية بوهيا من النوع أبو قوسين داك ،،بعدين ياوصال جمال دا اخونا وعزيز علينا لكن انتى عارفه المزعلنى منو شنو،كل ما تجيبى نكتة فى مرا حوامة او هارشة ابو العيال جمال دا بضحك يومين عشان كدا مرات نحن بنتفق مع بعض ضد الاعداء والنصر لنا ولا نامت اعين جمال الله اكبر الله اكبر هههههه

هههههههه والله العظيم التعاليق ( انشاء الله التعاليق دي عجبتكم ) احلي من نكات ناس كده الواد بيضحك عشان ما يتحسسوا بس اما الناس العايزة تضرب بهية نحن حيطتنا جالوص والباب شوالات يعني مافي اي طريقة ضروا عيشكم سااااااكت الي ان نلتقي لي كلام تاني ولكم خالص مودتي

[quote]حيطتنا جالوص والباب شوالات يعني مافي اي طريقة ضروا عيشكم سااااااكت
سلام يا جمال القال ليك حيطة الجالوص مابتنضرب بوهية منو؟ يازول نحن فى بلد العجائب عملنا دش من غتايت الحلة ،وزير من مخلفات البهائم بدل التلاجة ورئيسنا برقص فى المسارح بالنهار وبطبق الشريعة باليل،اوع تجى تقول لى من كلامى دى الجقلاب ربا عيالوا ولا وصال الترزى عمل ليها الهدوم ضيقة،موضوعنا الهرشششششششة وبس ودايرين نعرف البشففوك والسلام عشان عندنا معاهم محاضرات سودانية بحت وهى ضبح الكديس للعريس اهمة جند من جنود ام العروس فى الثقافة الخاصة بسودانا الحبيب بعد الانفصال وطرد وصال المناضلة من وطنه الحبيب ولا نامت اعين المتربصين بالبوست بتاعنا دا الله اكبر ولله الحمد،،
بعدين ياجمال أعفى لينا بكرة عندنا ربة كبيرة كان جينا راجعين الحمد لله وكان حصل امر الله عندى قروش كتيره تحت الزير جنب بيت ناس وصال طلعة من الزير شيل نصها وادى وصال نصها عشان انتوا شكلكم حتورثونى وانا عينى مفتحة بلنق ،ولا يوم ح تكتلوا ليكم زول من الضحك ابقى قريب

جمال كتب:
Gamal Musa في الجمعة 12 فبراير 2010, 9:45 pm

".[b]العزيزة والمبدعة وصال والله ماعارف اقول ليك شنو غير الله يجازي محنك بتختاري نكات غاية في الروعة غايتو انا ضحكت شديد في الخايف من العمل من قولت تيت ربنا يديك العافية ويزيدك توهج كمان وكمان يارب"

والليلة قال:
"هههههههه والله العظيم التعاليق ( انشاء الله التعاليق دي عجبتكم ) احلي من نكات ناس كده الواد بيضحك عشان ما يتحسسوا بس "

أها ياجمال ديل تعليقين متناقضين خااااااااالص، يعنى هسّى نصدّق ياتو فيهم؟؟؟
وبعدين الكلمة دى: (التعاليق) بالله دى بيجمعوها كدى؟؟!!
أنا ماقلت ليك خلّى تلّيب الشبابيك، وتحضر المدرسة بى إنتظام عشان
جنس زى ده؟؟
قال التعاليق قال.
ههههههههههههههههه

نجاة قالت:
"وكان حصل امر الله"
يازولة بعد الشر عليكى وتسلمى من كل أذى يارب. قلوبنا معاكم وياريت
الواحد كان معاكم بى نفسو، ان شاء الله منتصرين بدون إراقة دماء، وإنّ
غدا لناظره قريب عشان نسمع الأخبار الحلوة زى التوانسة والمصريين.
يارب... يارب
تحفظ السودان وناسو الطيبين من كل بلاء، وتلحّق حكّامو التونسية
آآآآآآآآآآآآآمين

تحفظ السودان وناسو الطيبين من كل بلاء، وتلحّق حكّامو التونسية
سلام ياجمال آآآآآمين وبالنسبة لناسنا ديل خيار المصرية احسن من التونسية عشان قريبة لينا والعملوا المصرين اقوى بكتير،،تسلم ياسيدى من كل شر

والله وصال دي كرهتنا البلي يعني لو الواحد طوالي بيشيد بيك بتكون ظاهرة عشان الواحد يطور نفسو لازم يوم ليه ويومين عليه لكن بالنسبة ليك انتي تلاتة ايام يعني مافي اي تناقض ممكن تاخدي الاتنين ولكل نكتة مقام يلا لمن نسمع منك تاني وطوالي بردانيييييييين ومودتي .

نجاة يا أختى
ده شنو ده؟
"سلام ياجمال آآآآآمين"
صحى والله زى ماقال المثل: " وصال تجقلب، والشكر لى ناس كده" هههههه
لاكين مافى مشكلة يا نجاة: ما منّك، من العليك.

جمال كيفك
شنو الحكاية يا أخوى، بعد الشفيف كمان جابت ليها سرقات أدبية؟
شايفاك ما قلت لنجاة: لا لا ده ما كلامى، ده كلام وصال.
لاكين معليش بجى الخريف.
ثمّ ثانيا ( طبعا دى عاجبانى شديد)، أنا فقط جبت كلامك القلتو، ماقلنا ليك
خلّى الجغلبة ههههههه
تحياااااااااااااااتى

ـ مسطول مشى يعزّى صاحبو فى أخوهو الميّت، وكان متأثر شديد، وبعد
العزاء وهو طالع قال لى صاحبو:
يعنى خلاص مافى أمل؟

ـ مسطول راكب حمار بالقلبة، ومستغرب راس الحمار مشى وين؟
المهم لمن وصل البيت إنتبه للراس، قعد يضحك وقال للحمار:
أتاريك إنت مكنتك فى الضهريّة!!

ـ مسطول مشى الحج، قالو ليهو:
قوم طوف وأسعى.
قال ليهم: إنتو مش قلتو كل شئ على البعثة؟!!

ـ عريس مسطول شديد، يوم عرسو وبعد الحفلة والناس مشو، دخل البيت
لقى العروس قاااااااعدة منتظراهو. عاين ليها بإستغراب وقال:
والله أنا كنت عارف بى جوطتهم دى، حينسو ليهم زول!!!

"سلام ياجمال آآآآآمين"
سلام ياوصال معليش لكن انا ماعندى حد غيركم يعنى لوقلته وصال ذى القلتة جمال ،بعدين مامنى من الكيبورد اتعود على كتابة اسمك واسم جمال من غير اعاين للحروف ،ماتجى تقول بوهية وماأدراك مابوهية والله يعلم ،،القصد شريف جدآ وليكى العتبى حتى ترضى طبعآ جمال ح يكون متكيف والشماتة ليها يوم ذى الشرا فى القندول ههههه

اهاااااا شايفين براااكم انا زاتي مافهمان حاجة وبعدين ياوصال انا وانتي مش حاجة واحدة (براحة اسماعيل مايسمعني ) يعني ناس اللجنة التنفيذية جسم واحد ولا خلاص رفدونا ههههه تحياتي .

يعني ناس اللجنة التنفيذية جسم واحد ولا خلاص رفدونا ههههه تحياتي . سلام ياجمال سويتوها فى اللجنة التنفيذية المسكينة دى،،وبعدين المثل بقول ياجمال الفبطنو شنو كدا ماعارفة براهوا برقص،والجنة التنفيذية ماكنا فيها لكن ماكنا ظريفين ذيكم انت ووصال ياخى الله يديكم العافية والصحة ويشففكم قريب كدآ ،،طبعآ الكلام دا للجمال ياوصال لانوا نحن شافين وقايلين بس،لما قربنا نتلب من شبك الفى مدرسة جمال الهارب منها كل يوم وناسى كراسوا فيها،،

نحن بوهية المهندس دي مابتنفع معانا نحن ناس سادو وسادولين وكده وبعدين ماقلنا ليكم الشففوا قدامو نجحو ربنا يديك العافية ات نجاة وربنا يديم المعروف بيناتنا يااارب وناس هناي ديل خليم بدعي ليهم في سري بس يقولوا ااااامين .هههههههه

"سلام ياوصال معليش لكن انا ماعندى حد غيركم يعنى لوقلته وصال ذى القلتة جمال"
هههههههه
يا نجاة هسى بالله كلامك ده مابوهية سادو وسادولين ذاااااااتها
أنا غايتو مادايرة أعمل فتنة، لاكين بقول إن شاء الله فرحات مايقرا الكلام
الكتبتيهو ده.
ده كلام ده؟
جمال ماتقول حاجة؟
قال ماعندى حد غيركم قال!!!!

"وبعدين ياوصال انا وانتي مش حاجة واحدة (براحة اسماعيل مايسمعني ) يعني ناس اللجنة التنفيذية جسم واحد ولا خلاص رفدونا ههههه تحياتي ."
جمال سلامات
بالله؟
إنت لا خلّيت ليك شباك مانطيتو عشان تكبّ الزوغة، وكمان قاعد فى الجنوب وتنفخ فينا فى الهوا البارد والجليد، لمّن ردمتنا ردم، وفوق ده كلّو شمتان فينا، وجاى هسى تقول لىّ ناس اللجنة التنفيذيّة جسم واحد؟؟ وأنا وإنتى مش حاجة واحدة؟؟
مافى أييييييييييييىّ طريقة، لاشفتك لا بعرفك ( لغاية البوست الجاى).

كويس ماحا اقول حاجة ههههههههههههه

يديكم العافية يا نجاة وجمال، حلّيتو البوست( من الحلاوة) وخلّيتوهو حي
بى قفشاتكم، شكرا شكرا شعبى.النكات الجاية مهداة ليكم:

ـ مسطول عزم صاحبو غدا، أها أثناء مابياكلو، المسطول شابك
ليك مرتو:
ياحياتى عاوزين زيادة عيش، ياروحى شوية ملح لو سمحتى، يازهرة حياتى
دايرين موية، ياسنتر قلبى ختى الشاى فى النار، يا، يا.....
المهم صاحبو إتكيف منّو شديد وقال ليهو:
ما شاء الله حاجة جميلة والله، أكتر من 18 سنة زواج ولسع بتدلّع زوجتك
ياروحى ويا حياتى وما عارف إيه؟
المسطول: يا زول ها، أنا بس ناسى إسمها!!!

ـ إتنين جعليين مشوا العمرة، وبعد العمرة زاغوا ونزلو عند واحد قريبهم
مقيم فى السعوديّة. قريبهم قام أكرمهم كرم شديد جدا وما قصّر معاهم، المهم
بعد فترة كشفوهم ورجّعوهم السودان.
قريبهم بتاع السعودية جا يقضّى أجازة فى السودان ويرجع، أصحابنا قامو عملو
ليهو عزومة، لاكين كانو محرجين شديد لأنو مستوى الأكل ما كان زى أكل السعوديّة. واحد من الجعليين الإتنين قال ليهو:
نحنا ما قدرنا نكرمك زى ما أكرمتنا فى السعوديّة، لاكين علىّ الطلاق عشان
نكرمك كويّس، بكرة الصباح تخشّ السوق، وتعمل ليك شكلة مع أى شايقى
من طرف، وتزح لينا منّها!!!!!!
ههههههههههههههههههههههه
ـــــــــــــــــــــــــــــــــــــــــــــــــــــــــــــــــــ
إن شاء الله تعجبكم يا أصحابى.

اولا وليس باول شكرا علي النكات الرائعة علا الكلام القبال النكات ده معناهو شنو نكران مش كويس بقيتي مابتعرفيني كويييييس يا وصال ليك ايام يعني يوم ماكفاية لمكانتك عندنا لي قدام ومودتي .

أنا قلت:
"لاشفتك لا بعرفك ( لغاية البوست الجاى)".
جمال سلامات
خلاص البوست الجاى جا هههههه
إليكم مزيد من النكات:

ـ مسطول إتقدم لى واحدة يخطبها، أهل البت سألوهو:
شغال شنو؟
قال ليهم: الصباح مع أخوى وبالمساء مركلس.
سألوهو: طيب أخوك شغال شنو؟
قال: بالصباح مركلس وبالمساء معاى!!

ـ مسطول جارى فى الشارع مخلوع شديد، سألوه:
يازول جارى مالك؟ فى شنو؟
قال: كنت ماشى فى الكلب، عفصت لىّ شارع فى جلابيتو، مسكنى من ضنبى!!!

ـ واحد مسافر لأبوحمد، وأول مانزل من القطر لقى شافع رباطاب
بيبيع فى ليمون، قام سألو:
ياولد ليمونك ده فيهو موية؟
الشافع ردّ عليهو بسرعة: نان قالولك ساقنّو بالتيمم؟؟!!

ـ مسطول مشى بيت صاحبو، دقّ الباب جات أخت صاحبو
سألها: حسن موجود؟
قالت ليهو: لا مافيش، طلع مشوار.
المسطول وقف مساااافة سرحان.
قالت ليهو: خلاص لمن يجى يكلّمو.
قال ليها: كلّميهو، إنتى قايلانى خايف منّو؟!!

(فتنة صغمبرووتة )انتي يا وصال من الزوق ساي مفروض تسالي من نجاة طوالي بتتفقدك لمن تكوني هايمة (من الحوامة) وهي هسع ناااااايمة بتربي في لياقة ليوم بكرة غايتو الله يعينها انتي بس اقعدي نكتي وما تسالي ن احوال الناس ونجاة دي ونجاة دي ونجاة دي كفاية البوهية دي مش لانها لو بقت تقيلة مابتكون حلوة دي المديدة البااااااردة لانها لو بقت حارة وصال حتشربها وتتدفي لكن نهييي بااااااردة بس ونستني لحدي عودة الاخت نجاة بالسلامة يارب . خالص التحايا

(فتنة صغمبرووتة )انتي يا وصال من الزوق ساي مفروض تسالي من نجاة

شكرآ ياجمال ويوم شكرك مايجى،،جيت لقيت البيت محروس ماشاء الله ويديكم العافية أمس اليوم كلو قاطعين النيت الجماعة خافوا ،،وبعدين عندى كلام كتير معاكم شايفاكم سرحتوا شى شكر وشى لغيز ويعنى ح اقوم على كل زول اديهوا حقوا بسم الله نبدء بوصال :
"لاشفتك لا بعرفك ( لغاية البوست الجاى)".
أفو ياوصال كيف الكلام دة تنكرى جمال دا كلو والله اتلومتى معانا كلنا نسبة للجسم الواحد فى اللجنة التنفيذية وخارج اللجنة التفيذية والفتنة أشد من القتل وبعدين دى مافتنة دى حكمة حقت الزمن دا نمشى شوية على اخونا جمال
كويس ماحا اقول حاجة ههههههههههههه
أفووووووو ياجمال الكلام دا ح تشككونا فى جسم اللجة ذاتة وبعد أنما أصبحت اللجنة جسم واحد بحمد الله تفككت والعياز بالله والله أكبر والنصر لنا فى وجه كل اعداء التفكك خليكم متحدين ههههه دى طبعا اللغة السائدة عندنا هنا فى السودان وانا قاعدة اهضرب بيها اليومين ديل دمتم ودامت القفشات لحدى ما الجليد يذوب وجمال يرجع فلادلفيا بالسلامة ونحن بضوا جاين لفلى الحنينة

دى مشاركة منى نكتة ارسلت لى بالاميل

تبدأ القصة عندما كان رئيس صندوق النقد فى زيارة للسودان
واثناء مروره في احد شوارع الخرطوم وقف رجل بائس “رث الثياب وراح ينادي بأعلي صوته : امريكا لله لله ....
وبالطبع كان الرجل شحاتا ويطلب الإحسان مر الموكب بسلام وعاد الرئيس الي واشنطن وجلس مع مساعديه يقيم نتائج الزيارة ثم شرد بذهنه لوهله
سأله احد مساعديه : سيادة الرئيس هل انت بخير
سكت لبرهة ثم قال : اثناء مروري في الخرطوم كان هناك رجل ينادي باسمي ثم يقول امريكا هل فهم احد ما كان يقول
اجاب مساعد آخر : نعم سيدي انه فقط كان يريد منك مساعده مالية
قال حسنا نحن نعتبر هؤلاء اصدقاء لنا ودائما مؤيدين لنا فلم لا نساعده
وامر بإرسال مبلغ 100 الف دولار مساعدة شخصية منه للمواطن المذكور
بعده بأيام وصل المبلغ مع مندوب الي رئاسة الجمهورية بالسودان مع توضيح الغرض بأن هذه قيمة المساعده من رئيس صندوق النقد لذلك المواطن السودانى
وعلي الفور قامت رئاسة الجمهوريه بالتحري لمعرفة المحافظه والمدينة التابع لها المواطن المذكور
وبمجرد التأكد قامت بإرسال مبلغ 25 مليون جنيه سودانى بالقديم (من أصل 100 الف دولار) الي المحافظه التابع لها المواطن المذكور
بدورها قامت المحافظه بإرسال مبلغ 10مليون جنيه الي المدينه التابع لها المواطن المذكور
ومباشرة ارسل رئيس المحلية مبلغ مليون جنيه الي مأمور قسم الشرطه التابع له الموظف المذكور
فقام المأمور ونادي علي ضابط برتبة ملازم أول واعطاه مئة الف جنيه هي قيمة المساعده التي قررها الرئيس للمواطن المذكور
خرج الضابط ونادي علي العسكري وقال له : هل تعرف بيت فلان
قال : نعم اعرفه
قال حسنا هذه عشرين جنيها اعطه اياها هي قيمة المساعدة التي قررها رئيس الصندوق الدولى للمواطن
ذهب العسكري الي منزل الرجل مهرولا ودق الباب
خرج الرجل بثيابه الرثه المعتاده وشعره المنكوش وعيناه الجاحظتان وقال :مين
قال العسكري انت فلان الذي كنت واقفا يوم كذا وطلبت مساعده من رئيس صندوق النقد
رد الرجل : ايوه بتسأل ليه.. قام العسكرى ضرب المواطن كف
قال: فضحتونا مع الضيوف الاجانب ... عموما رئيس الصندوق بيقولك ( الله كريم )

نجاة كتبت:
"نسبة للجسم الواحد فى اللجنة التنفيذية وخارج اللجنة التفيذية والفتنة أشد من القتل"
وأيضا
"أفووووووو ياجمال الكلام دا ح تشككونا فى جسم اللجة ذاتة وبعد أنما أصبحت اللجنة جسم واحد بحمد الله تفككت والعياز بالله"

توضيح صغيروووووونى كده:
مافى شك فى إنّو اللجنة التنفيذية والجمعية العمومية جسم واحد يا نجاة.
أنا لمّا قلت لى جمال لا شفتك لا بعرفك، قاصدة أنا وصال دي، وليس صفتى
كعضو فى اللجنة التنفيذية، فالحمد لله إطّمّنى جاليتنا ولجنتنا كالبنيان الواحد
يشدّ بعضه بعضا، (ربنا يبعد عننا الحاسدين والمتربصين، قولى آمين)
فبالله ياجمال ونجاة ما تحرّفو لينا البوست وتقوّلونى كلام ماقلتو
أو قصدتو ههههههههه. شفتو نهاية القطيعة والفتنة كيف؟ ههههههههههه
فى إنتظار جيتك يا نجاة قريبا،
ولكم مودّتى يا ناس يا عسل.
أدّيكم شويّة نكات:

ـ رباطابى شايل ليهو ديك وراكب القطر، واحد سألو:
الديك ده ماشى تبيعو؟
قال ليهو: لا ماشى أغيّر ليهو نغمتو!!

ـ رباطابى مرتو قالت ليهو:
إشترى لى قميص نوم.
قال ليها: واللابساهو ده مساهر بيكى؟؟

ـ مسطول دخل الإجزخانة وقال للصيدلى:
أدّينى سندوتش طعمية!
الصيدلى زعل وقال ليهو: ياخى دى صيدلية ما مطعم.
فى نفس اللحظة، دخل مسطول تانى، وبقى يستفسر من المشكلة.
الصيدلى شرح ليهو الحاصل.
المسطول التانى: ياخى ده الظاهر عليهو مجنون لأنّو بيطلب سندوتش
طعمية من الصيدلية، سيبك منّو لو سمحت وأدّينى سندوتش شاورما!!!!!!

ههههههههههههههههه
يا نجاة رهيبة النكتة الأخيرة بتاعت الشحاد، مسكين والله ما لقى دولار واحد
وبعد ده كلّو كمان معاها كف!!
وفعلا تعبّر عن حالنا فى السودان.
ـــــــــــــــــــــــــــــــــــــــــــــــــــــــــــــــــــــ
لو ماكانت نكتة، ما كنت حأضحك.

تفككت والعياز بالله"
سلام ياوصال دى المقصود منها تفككت بسسب سفر جمال والله قصدى شريف ماشريف جمعة بالله تحياتنا ليه برضو مازول ساهل ،،شفتى لخبطة المواضيع دى كيف
أنا لمّا قلت لى جمال لا شفتك لا بعرفك، قاصدة أنا وصال دي، يازوله البوست دا اى واحد يخلوا يخي فى بالوا انوا دا بوست بتاع نكات وخستكات مافى اى شك فى ذلك واى حد يفهم غير ذلك مخير انا تحديدا فى كل البوستات بتاعتى جادة جدآ الا فى دا اى كلام فيه غير جاد يعنى الزول الزهجان يجى يفرق هنا ولا مش كدى ياجمال جسم واحد ماعندوا اى علاقة باللجنة التنفيذية كل المقصود وصال+جمال كا اشخاص لا يمثلون الا انفسهم بالله ماتعملوا لين البوست دا جاد نحن بنهرب من السياسة والجدية عشان نجى نضحك هنا فقط

يا وصال النكتة اللذيذة دى من النوع البعجب جمال ماعارفة ما علق عليها لى ولا دى عشان فيها موت لابو الشفيف عدييييييييل كدة ههههه طولنا ما رفعنا الضغط بتاع جمال دا
دى منقول من نكات وصال لكن عاجبانى
واحد صحى من نومو نص الليل على صوت الجيران بيصرخو، طلع
عشان يشوف الحاصل شنو، قالو ليهو فى تسمم فى خزّانات الموية.
الراجل رجع بيتو، زوجتو سألتو: الحاصل شنو؟
قال ليها: مافى حاجة، أشربى ليكي موية ونومى.!!!!

ايتها الاخوات والاخوات والله بس شوية نفسيات المشففاتي بتاعي موعوك شوية بعيد عنكم وهو مصدر الهامي يعني المصدر مغلق لاجل غير مسمي دعواتكم لينا بعاجل الشفاء ودمتم .