تعالوا ندوب(من الذوبان)الجليد ده بالضحك

الله يسلمكم جميعا وبعدين شكرا علي وصفك لي يا استاذة وصال بالغتاتة والدغالة واني بريء من هذه الصفات اما بخصوص العرس لسع يعني المراسم ستبدا بانتهاء الاجازة بالبلدي كده الحنة يوم من الايام والعزومة برضو في اليوم التاني والربة الكبيرة الحاتفوتك يوم الخميس لكن ياتو خميس ما بوريك وتحياتي لابو السباع ومرة اخري نو لالوب

جمال كيفك وحمدا لله على السلامة تانى
قلت ليك:
"آآآآآآى غتيت ونص وخمسة لأنك ماقلت لينا ماشى تتزوج، سمعناها
بعد سفرك"
وإلا فكيف تفسّر هذا يا هذا؟؟؟!!!
وبعدين فى بوست الجيران قلت بتجهز لدخول القفص الخشبى، المهم إن شاء الله ربنا يتم ليك على خير والقفص يكون فولاذى ما خشبى عشان ما تهرب
وبعدين شايفاك لسع مصرّ تقول:
"ومرة اخري نو لالوب"
يازول لالوبك لمّو عليك ذاااتى مادايراهو ، إن شاء الله ينفعك..
أبوى وأمّى جايين بعد أسبوع، يعنى حآكل لالوب قبل إنت ذاتك ما تجى..
أها رايك شنو بعد ده؟

يازول لالوبك لمّو عليك ذاااتى مادايراهو ، إن شاء الله ينفعك..
أبوى وأمّى جايين بعد أسبوع، يعنى حآكل لالوب قبل إنت ذاتك ما تجى..
أها رايك شنو بعد ده؟

سلام يا أهلنا ،
ياوصال ربنا يوصلهم بالسلامة وتاكلى لالوب لما يجيك ح جمال،

الربة قربت بتاعة جمال اتوقعوا الصور،
تسلموا

برضو ما حيكون زي بتاع نجاة لانو ده طاااااااااااااااااااااااعم وجديييييييييييد بعدين المثل بقول لالوب نجاة ولا حق ناس البيت

برضو ما حيكون زي بتاع نجاة لانو ده طاااااااااااااااااااااااعم وجديييييييييييد بعدين المثل بقول لالوب نجاة ولا حق ناس البيت .


ياسلام يا جمال ينصر دينك ويعرس ليك يوم 5 دا الكلام البعجب،

عرفتة أنك مشيت الابيض أول ما تجى راجع أعمل هلوووووو،

وين يا وصال عاملة كيف؟؟؟
الجماعة وصلوا ومعاهم اللالوب ولا لسة؟.

نجاة كيفك والجميع
مشتاقين والله
شكرا على السؤال .. أبوى وأمّى وصلوا بالسلامة الحمد لله
ومعاهم اللالوب الطااااااعم .. غايتو كل يوم باكل لىّ لالوبتين هههههه
باقية عليهو عشرة عشان مايكمل سريع
معليش والله إنشغلت شويتين مع جيّة أمّى وأبوى والضيوف والشغل وووووو
غايتو الأيامات دى يا زولة آآآآآخر دلع على إسماعيل وهو ذاتو منافسة شديدة معاى فى أمّى وأبوى
كان شفتينا تموتى من الضحك عاملين زى الشفع الصغار.
ويييييين بالله صاحينا جمال العريس وأخبارو شنو؟ إن شاء الله سمعتى منو يا نجاة
نحنا فى إنتظار الأكيدة عشان نفتح ليهو بوستات تهانى لأنو مادايرين نتسرّع ونجى نلقاهو رفض دخول القفص طائعا ، على العموم ربنا يتم ليهو على خير ويسعدو

ويييييين بالله صاحينا جمال العريس وأخبارو شنو؟ إن شاء الله سمعتى منو يا نجاة
نحنا فى إنتظار الأكيدة عشان نفتح ليهو بوستات تهانى لأنو مادايرين نتسرّع ونجى نلقاهو رفض دخول القفص طائعا ، على العموم ربنا يتم ليهو على خير ويسعدو

سلام يا وصال وحمد لله الف على سلامة الحجاج،
بالله قرطى على اللالوب دا لحدى ما جمال يصلك بالسلامة،
جمال المناسبة ح تكون يوم 12،
والحفلات بداءت من الاسبوع الماضى ،
يعنى حنكشة شديدة ،والله ما قصر ضرب لى يوم الحنة الاولى ،مشيت على خفيف كدا من الشغل ولقيت ليك ديك يا الحفلة فى الشارع، والعريس جاى لابس اللبنى ونازل من العربية فى باب الصيوان وديك يا الزغاريد والتصوير يعنى حقيقة كان VIP من الدرجة الأولى وممكن تفتحى بوست لما يوم 12/5 يقرب عشان ننزل ليكم شوية صور لحدى ما يجى العريس وينزل الباقى.

تحياتنا للاخ اسماعيل والحجاج.