الاعزاء / اعضاء وقراء منتديات الجالية : كيف سنحتفل بمرور العام الاول لإنشاء المنتدى ؟ 6 / يونيو 2009

الاعزاء : اعضاء وقراء منتديات الجالية

الموضوع: مقترحاتكم حول كيفية الاحتفال بمرور العام الاول لإنشاء منتديات الجالية

فى يوم السبت 6/ يونيو 2009 تكون منتديات الجالية قد اكملت عامها الاول ، وهذه دعوة للجميع بالمساهمة بمقترحاتكم حول كيفية الاحتفال بمرور العام الاول لإنشاء منتديات الجالية ، فالرجاء منكم جميعاً إدراج مقترحاتكم القيمة فى هذا البوست وكل عام وانتم بخير

إدارة منتديات الجالية السودانية بفلادلفيا

كل أبناء سوداننا الأعزاء الذين تشرفنا بالتعرف إليهم من خلال موقع السودانيين في فيلي (
البيت الكبير ) وهذا الموقع الرائع .. اتقدم لكم جميعاً بأجمل آيات التهانى القلبية
بمرور عام على ميلاد الموقع.داعياً المولى عز وجل أن يديم هذا التعارف حتى نلقاه
..وبارك الله لكم فى جمعكم وتوافقكم وإتحادكم وتوادكم وتراحمكم وخطواتكم نحو عمل
الخير ..
ونخص بالتهانى الاستاذ منذر بابكر الذى نكن له كل ود وتقدير لتعامله
الراقى مع الكل

انت كمان ما تبالغ يا الــ Admin ياخ
معقول تمينا سنة ..حول بى حالوا ؟
ماشاء الله ..
التحية والتقدير للاخوة والاخوات فى اللجنة التنفيذية للجالية على هذا الانجاز الكبير وتحية خاصة للاخوان المنذر ,وعصام ,وعمر حبيب ..قف اشد على اياديكم فردا فردا والى الامام .
وخالص التحايا للاخوان من بعيد ايمن محمود , والاستاذ خالد , ومولانا العرمانى ,وخضر على مصطفى .....
اها مقترحاتى
1- على شرف المناسبة وبقيادة الـــ الثقافى اجراء حوارات مع شخصيات مختارة من مدينة فيللى "ممكن اساعد"
2- بوست للصور والفيديو ما امكن يغطى فترة العام من نشاط الموقع
3- اخيرا لمة كاربة لكل الاعضاء وعشوة مدنكة(طبعا) وحوار ما كان وما سيكون ومما هو علية الان وكيف نطور معا موقع الجالية .
تحياتى

تصويت لي أحسن مواضيع
ملف لي كل سنة إرشيف
و عوجبال ١٠٠ سنة و الكل بي خير

تصويت لي أحسن مواضيع
ملف لي كل سنة إرشيف
و عوجبال ١٠٠ سنة و الكل بي خير

وتصويت لاجمل صورة فى الموقع خلال العام
وكرسى ساخن يستضاف فيه كل مرة احد الاعضاء /ت
وحقو نبدا بيك يامحمد كمال
جاهز ؟؟
وعوجبال بيك نفرح يازينة
----
بالمناسبة العجبال دا نوع من انواع النمل العربى والله اعلم

ده ما عربي mounzer .....
جدا يا أبو عمير ...أنا معاك ..لكن الكبير كبير ولا شنو ؟
شكرا

كل سنه وإنتو والجاليه السودانيه طيبين..

بفتكر إنه المبر قاعد ينمو بشكل جيد..
ولزيادة الخير خيرين بقترح نعمل دعايه للعنوان بتاعنا بشكل اوسع ...عشان تزيد المشاركات..
حتى لو نرسل إيميلات للناس بالرابط..
أو اى شكل تروه..أنا بعرف ناس كتار بس كسلانين يفتشو على العنوان ..ولو بدأو بتبقى ليهم عاده..


شكراً ليكم على المجهود المقدر..
إقبال