المواضيع الأخيرة
» حراجى القط
الخميس 21 أغسطس 2014, 11:13 pm من طرف عمر ادريس

» ...المسامحه
الأربعاء 20 أغسطس 2014, 2:48 am من طرف عصام همت

» إحتفال جميل اقامته الجالية للطلبة والطالبات ليلة أمس
الثلاثاء 19 أغسطس 2014, 9:02 am من طرف عصام همت

» اعظم ما اعطتني امي امدرمان ..شوقى بدرى
الإثنين 18 أغسطس 2014, 10:46 pm من طرف عمر ادريس

»  اخرج..من..وهمك
الأحد 17 أغسطس 2014, 1:41 am من طرف عصام همت

» هل أنت سوداني!!!؟؟
الأربعاء 13 أغسطس 2014, 5:47 am من طرف عصام همت

» وصول ( 138 ) سودانياً عائداً من ليبيا عبر الخطوط الافريقية . .ومغادرة( 118 ) على ذات الطائرة
الأربعاء 13 أغسطس 2014, 3:15 am من طرف ضوء القمر

» التعديلات التي اجرتها الادارة العامة للقبول وتقويم وتوثيق الشهادات الخاصة العربية والأجنبية
الأربعاء 13 أغسطس 2014, 3:10 am من طرف ضوء القمر

» مجلس الوزراء يطمئن علي أوضاع السودانيين بليبيا
الأربعاء 13 أغسطس 2014, 3:02 am من طرف ضوء القمر

» المؤتمر العام السادس فرصة تواصل بين المغتربين وقيادات الدولة
الأربعاء 13 أغسطس 2014, 2:52 am من طرف ضوء القمر

تنويه
الأراء والأفكار التي تطرح في جميع منتديات الجالية سواء كانت من ضيوف المنتدى أو أعضاء الجالية أو أعضاء اللجنة التنفيذية لا تعبر عن موقف الجالية انما تعبر عن أصحابها فقط
أغسطس 2014
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية

احصائيات
هذا المنتدى يتوفر على 445 عُضو.
آخر عُضو مُسجل هو abdolazeem فمرحباً به.

أعضاؤنا قدموا 8472 مساهمة في هذا المنتدى في 2380 موضوع

ياوالدة يامريم .

استعرض الموضوع السابق استعرض الموضوع التالي اذهب الى الأسفل

ياوالدة يامريم .

مُساهمة  عمر ادريس في الإثنين 20 أبريل 2009, 10:03 pm

يا والدة يا مريم .. محجوب شريف
--------
ياعامرة حنية ..انا عندي زيك كم ..ياطيبة النية
بشتاق وما بندم..إتصبري شوية ..
ياوالدة يامريم
ماني الوليد العاق لا خنت لا سراق..
والعسكري الفرّاق بين قلبك الساساق وبيني هو البندم والدايرو ما بنتم..
يا والدة يامريم
عارف حنانك لي .. راجلا تلوليني دايمًا تقيلني وفي العين تشيليني .. القاهو عز الليل .. قلبك يدفيني
ضلك علي مشرور ..قيلت في سنيني انا لو تعرفي الفيني انا كم بحبك كم
والعسكري الفراق بين قلبك الساساق وبيني هو البندم والدايرو ما بنتّم
ياوالدة يامريم
طول النهار والليل في عيني شايلك شيل لكني شادي الحيل لا خوف علي لا هم ..
هاك قلبي ليك منديل .. الدمعة لما تسيل .. قشيها يا مريم
ما بركب السرجين وماني زول وشّين ياوالدة دينك كم
دين الوطن كمّين
ما شفتي ود الزين الكان وحيد امو
وماليها كان العين
قالولو ناسك كم ورينا ناسك وين؟ ورينا شان تسلم
العودو خاتي الشق
ما قال وحاتك طق تب ما وقف بين بين لي موتو يتقدم
انا ما بجيب الشين
انا ما بجيب الشين
انا لو سقوني الدم..
والعسكري الفراق بين قلبك الساساق وبيني هو البندم والدايرو ما بنّتم
كم من حبيبًا لي .. كان مالي بينا دروب
ما ودّع الحباّن ما وسدوه الطوب
حي .. حي قولي ما حي ووب
ما خلّى ساعة الموت
يمة السرج مقلوب
إتشتت الرصاص في جسمو إتقسم
لاقاهو يتبسم
والحولو حبلو وكان ريحة صباه بتنشم
زي التقول يوم داك يوم العرس يادوب
انا ما بجيب الشين انا مابخت الشين انا لو سقوني الدم
والعسكري الفراق بين قلبك الساساق وبيني هو البندم
ياوالدة يامريم
يُّمـة السجن مليان رجالّة ما بتنداس
الختّو قبلي الساس والشالو هّم الناس
والفات وليدًا ليه ما مسّكو الكراس
ما سمعو يتكلم
ما نحن عود الفاس فرسان حمى وحراس
في الحارة نتحزّم عشم القدر ما كاس مالاقي بيت يتلم
عشم الطواهو الجوع المُتعب المعدم
والعسكري الفراق بين قلبك الساساق وبين هو البندم .. والدايرو ما بنتّم
ما تقولي شن سويت
ما تبكي ما سويت غير البطمّن ناس
بي همّهم حسيت
حارس مع الفرسان
حارس بلدنا البيت
إخواني علّو السور .. انا طوبة ما ختيت
ديل من زمان تاتيت لامن كتبت قريت
وعرقنا ياما يدر
يمّة اللبن والزيت
الكسرة والكراس
لي قشة الكبريت
وتقولي جيدًا جيت
راجع مع الفرسان
فايت الحدود واسيت
وتغني يا مريوم
لينا وتجرّي النّم
والعسكري الفراق بين قلبك الساساق وبيني هو البندم
والدايرو ما بنتّم
يا والدة يا مريم

عمر ادريس

عدد الرسائل: 1534
تاريخ التسجيل: 23/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياوالدة يامريم .

مُساهمة  عمر ادريس في الإثنين 20 أبريل 2009, 10:22 pm

مريم محمود راحت شقيش
---------
* كتب الاستاذ محجوب هذه القصيدة فى وفاة والدته مريم محمود وكان وقتها فى سجون مايو
---
مجنون
مجنون مجنون
مجنون الحزن المسجون
بارود الحزن المسحون
جوااااي انا شافع محزون
عن امو بفتش فتيش
فتش فتيش هبش هبيش
دقش دقيش
يصرخ ياناااااااس
مريم محمود راحت شقيش
في زنك اللحمة وفي الزحمة
مريم محمود راحت شقيش
في منحنيات الاسواق
مريم محمود راحت شقيش
ولا آه يا مريم محمود
آآآه يامريم محمود
ياذات الضل الممدود
ياذات القلب الساساق
حتلت جواي الاشواق
حتلت جواك الاشواك
وكنت الولد المفقود
لا هجراً ليك ولا عاق
حبيتك ذي ما حبيت
الوالد
الوطن
البيت
منك خطفونى تماسيح
كم مرة وخلو تباريح
وكم جيتك راجع مسحور
بذات الوجه المسرور
البيني وبينك عصفور
علي قلبومنشن صياد
ظلموك يامريم ظلموك
حرموك يامريم حرموك
خلوك الدمعة تفصد خدك في الاعياد
مشوك في الشوك علي حد السيف
اتعلمتي الشك في الغربا
وكنتي ملاذ الشتا والصيف
سرقو امانك وإطمئنانك
قلبك كل ما باب الشارع دق يدق
يدك ترجف في الصقاطة
وشك شاحب ربنا يستر يمكن هم
وتفرحي فرحاً قدر الدنيا
إذا ما كان الطارق صاحب
وحالا نارك بالهبابة لهيبا يبق
حالا نارك بالهبابة لهيبا يقج



عمر ادريس

عدد الرسائل: 1534
تاريخ التسجيل: 23/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياوالدة يامريم .

مُساهمة  عمر ادريس في الثلاثاء 28 أبريل 2009, 12:44 pm

حرموك يامريم حرموك
خلوك الدمعة تفصد خدك في الاعياد
مشوك في الشوك علي حد السيف
اتعلمتي الشك في الغربا
وكنتي ملاذ الشتا والصيف

عمر ادريس

عدد الرسائل: 1534
تاريخ التسجيل: 23/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياوالدة يامريم .

مُساهمة  عمر ادريس في الإثنين 11 مايو 2009, 10:41 pm

*

عمر ادريس

عدد الرسائل: 1534
تاريخ التسجيل: 23/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى