من الشعب الشحات.. فقط اوقفوا الترقيات!!

تراسيم .


من الشعب " الشحات " .. فقط أوقفوا الترقيات !!

عبدالباقى الظافر.
alzafir@hotmail.com

فى عام 1998 عندما طالت الذراع الأمريكية مصنع الشفاء السوداني .. احتدم الجدل بين خبرائنا حول الأمر ..بعضهم أفتى إنها صواريخ ( كروز ) جاءتنا من صوب البحر ..وقليل اجتهد وقال إنها طائرات عبرت أجواء شندى .. إلا أن الجميع اتفقوا على ان ذلك كان عدوانا غاشم على بلد طيب وشعب صبور .
الإنقاذ جعلت من مصنع الشفاء مزارا وطنيا ..ما ان يفرغ زائرنا الكريم من السلام الجمهوري حتى يجد نفسه في ركام الشفاء ..وبالفعل تأكد لاحقا ان أمريكا أصابت الهدف الخطأ في الخرطوم .. وكسبت الدبلوماسية السودانية الكثير من موقعة الشفاء حتى ان قريحة الإمام الصادق المهدي جادت بمثال يضاف إلى موروثنا الشعبي وقتما قال (رب غارة نافعة ) .
من تل أبيب جاءنا الخبر .. ان إسرائيل نفذت هجمات جوية على بلدنا الحبيب قبل شهور خلت .. رئيس وزراء (العدو ) قدم سيناريو متماسكا ..وقال ان إسرائيل كانت ترصد شحنة سلاح من مصدرها في إيران حتى مرورها باليمن السعيد ..ثم عبورها صحرائنا القاحلة في طريقها لمصر .. ومن ثم إلى جيش حماس بغزة .
ولكن السؤال المحرج لماذا اختارت إسرائيل ترابنا الوطني ارض نزال .. لماذا لم تهجم على السفينة الإيرانية وهى في عرض البحر .. ولماذا لم تصبر عليها حتى تصل مشارف غزة فتنقض عليها .. هل أرادت ان تثبت ضعف حيلتنا وهواننا بين الناس .. ربما كل ذلك .. ولكن دعوني أقدم لكم اجتهادا أخر .
السيد رئيس الجمهورية وفى خضم مواجهته مع اوكامبو .. قال ان الإنقاذ ستدعم المقاومة في أفغانستان والعراق وغزة .. وعندما حاولت دبلوماسيتنا ( المجبورة على الصلاة ) تخفيف حدة التصريحات الرئاسية .. قالت ان دعم المقاومة في غزة شرف لا ندعيه ولكن ما باليد حيلة !.. ربما توهمت إسرائيل صدقا في تصريحاتنا ..فرأت في قوافل الصحراء( المريبة ) هدفا عسكريا .
الخرطوم بعد ان صمتت شهرا و شهرا نطقت روايات متناقضة ومتصادمة ..وزير الدولة بالنقل والذي هو ليست بجهة اختصاص .. وكل خبرته العسكرية انه كان قائد مجموعة متمردة .. قال المبروك ان الهجوم أوقع ثمانمائة مابين قتيل وجريح ونفذته طائرات أمريكية .. وأضاف الوزير ان الهجوم استهدف قافلة دولية تتجر بالبشر .. هل نحن مازلنا نحتاج إلى تهم إضافية حتى تضاف إلى ( سوابقنا ) تهمة الاتجار بالبشر .
الناطق الرسمي باسم الدبلوماسية السودانية .. أباح في منتصف الليل بسر خطير لرئيس تحرير أخبار اليوم السودانية الأستاذ احمد البلال الطيب عندما قال ان حكومته لم تعلم بالحادث الاول إلا بعد وقوع الثاني وان عدد القتلى لم يتجاوز الأربعين قتيلا .. واعترف ضمنا ان القافلة المجهولة ربما تحمل سلاحا وقال ( الخطأ لا يعالج بالخطأ .. ) .. المتحدث الرسمي بأسم جيشنا قال اتصلنا بدول الجوار نستقصى الخبر .. هل لاحظتم دام فضلكم .. السفير يفتىء في الشئون العسكرية وفخامة الجنرال يتحدث بلسان دبلوماسي مبين .
كيف تجاهلت حكومتنا السنية شعبنا الطيب ؟..وأخبرته" بالهنا بعد سنة " .. ربما الجهات ذات الصلة كانت مشغولة بالإعداد لخطة تقطيع الأوصال.. وربما حكومتنا( العطوفة ) أشفقت على الشعب الصبور من كثرة مسيرات المناصرة والغضب .. ورأت ان شعبها يحتاج لإجازة محارب .. وربما اجتهد احد المشايخ وقال لا صوت يعلو على معركة اوكامبو .
لايحتاج اختصاصي الفم وكبير الدبلوماسية السودانية ان ينطق حرفا ورسما ليصف شعبنا بالذل والمسغبة ..كل ما تفعله حكومتنا يؤكد ان الشعب في خدمة الحكومة .. عليه نحن الشعب "االشحات" لا نطالب بإقالة وزير أو التحقيق مع جنرال ..فقط سيدي الرئيس أوقفوا الترقيات .. فقد اعتدنا كلما نزلت على وطننا كارثة رجال يرتقون مراتب أعلى وينالون درجات ارفع .

بت الكلب الدنيا
الدنيا الصرمة
الدنيا الرمة
حتى اولاد الهرمة
عفن الطغمة
سبب الازمة
وسخ الجزمة
ناس ابو كرشة وناس ابو لحية
الكوز ابو عمة
لصوص دين الله
سراقة اللقمة
من خشم الطفل الفاقد الرحمة
قالوا علينا بنشحد
ونحن الشعب الحر الشهم الاجود
وبلادنا كانت خير الدنيا الاوحد
نكرم الضيف نسوي الكيف
ونملا العين بالخير الاسعد
حتى اولاد الهرمة
عفن الطغمة
سبب الازمة
وسخ الجزمة
بقولوا علينا بنشحد
من يوم جيتوا فقدنا النعمة
ومن يوم جيتو فقدنا الرحمة
والشعب الامن هاجر طش
في منافي الذل يكابس في وسط الزحمة
يعافر يكاتل لشرف اللقمة
وحق الحبة البتطرد لهب الحمي
وحق كراس الشافع الماكل هما
شارب هما نايم هما لا مستقبل
في هذا الحال العتمة
وهذا الحال الخير النعمة
بس لكوز الله عديم الذمة
ناهب الدنيا وحاجز الجنة
شحما لحما عظما
سيد القصر العالي صبحا حرمة
وظهرا حرمة
وعصرا حرمة
وليلا حرمة

ومن يوم داك نحن نعافر تحت الجزمة
جزمة حاكم مجرم فاسد فاقد ذمة
وعجيبة الدنيا التامنة
تخيلوا انو الحاكم الجزمة بلبس جزمة
وبتدوس على زولا صاحب همة
زولا داقش شايل هم الامة
فوق المنفى لا كتال ولاسراق
ولا عذب ولا شرد عزيز الامة
عجيبة الدنيا التامنة
الدنيا الصرمة
انو سفاحنا المجرم
عمر اللص عمر الرمة
عمر الجزمة سبب الازمة
قال لاهااي وناس لاهاااي تحت الجزمة
وكل مؤيد وكل مناصر تحت الجزمة
ونسي عمر الرمةعمر الجزمة
انو الوطن الهامل
من يوم جونا حتى الليلة تحت الجزمة
من جيتونا ونحن نعافر تحت الجزمة
والشعب الطيب نايم قايم يدافر تحت الجزمة
بين السونكي والبارود والكهنوت والتابوت
ونحن نموت بالطاغوت تحت الجزمة

باسم الله تكتلو ساكت
تفجخو ساكت
تعكمو ساكت
تعذبو ساكت
وتركبو ساكت
تهمبتو ساكت
والشهداء الماتوا وفاتوا
معقولة راحوا شمار في مرقة تحت الجزمة!؟
دم التاية ودم العاص ودم بولاد ودم ميلاد
كلو شمار تحت الجزمة؟!
ودم اولادنا في رمضان وبورسودان والكجبار
كلو شمار تحت الجزمة؟!
ودم اهلي بالالاف في بور و البيبور
في جبال النوبة و في دارفور
كلو شمار تحت الجزمة ؟!
ودم شفعنا قرة عينا في العيلفون
وضحايا الغفلة فطايس الافنة والمأفون
بامر الحاكم الموهوم بالتلفون
راحوا شمار بامر الحاكم المجنون
ده كلو شمار في مرقة تحت الجزمة؟!
وعمر الجزمة سبب الازمة
مشنقل داقش الخرتوم وضارب النوم
معاه بطانة الدولار عز ونكاح ومال بالكوم
ودين بالكوم ..دقون بالكوم كروش بالكوم
وجهادن ياهو بالحلقوم
واموتوا اولادنا نواراتنا في جهاد الشوم
شان بنات الحور وجنان بلور
وما عارفين بنات الحورهناك في الخرتوم
موزعة لكلاب الحاكم الموهوم
ده غيرنكاح العرفي والمسيار والبدرووم
وكمان صيد الشارع المزحوم بالمعلوم
شارعا مستف مكتف ببناتنا نواراتنا
ضحايا الواقع المأزوم
بناتنا بنات الجوع
بنات الوالد المرحوم
بنات الكان بعيش اهلو وكمان جيرانو
صبح عدمان فقران ذليل محروم
بناتنا نواراتنا بنات الطاشي من بلدو
في بلاد الواغ بلاداليانكي وبلاد الروم
مهاجر الذلة والحرمان وهوان التائه المظلوم

بناتنا نواراتنا بالفي والمافي
بالوقافي وشقق النوم
وفي( المايقوما) شفتو الناتج المعلوم
ثمرة خطايا الحاكم الفاسد الموهوم
اولاد حرامنا تمن سكوتنا على الظلم الوقع بالكوم
اولاد حرامنا تمن خنوعنا للحاكم المسموم
اولاد حرامنا تمن خوفنا من الواقع المغموم
اولاد حرامنا وصمة عارنا وحالنا الخايب المعلوم

و من يومداك لحد الليلة تحت الجزمة
في البلد الكانت امنة وكانت حزمة
وكانت واحدة وكانت وحدة كلمة
وناسها الحلوة في الخير متلمة
وكمان في الشر تكون متلمة
جاها الساحق وجاها الماحق
وعاشت ازمة وازمة وازمة
جاها الكوز وكيل ناس الله عديم الذمة
بالكرش الماكنة ودقن الضلمة
باسم الله وناس شرع الله وناس لهب الله
ودباب الله وصاروخ الله كلاشن الله
ومدفع الله وميجات الله
اكتلو الزول الساكت في شان الله
اختفو الزول النايم في شان الله
(اني.....و) الزول الصامد في شان الله
اتلبوا حوشا امن في نص الضلمة
واسرقوا حق الناس الفاقدة اللقمة
في شان الله
وما بكفيهم ضرب الامة وذل الامة ونهب الامة
(حلايب) راحت لا فيهم زولا قال يا امة
هلموا نحرر ارض الامة وعرض الامة
و(الفشقة) وراحت وما فيهم زولا صاحب زمة
امرق الزمة شان نحرر تراب الامة عرض الامة
وقوات الامم الزانية مين الجابها تنكح ارض الامة
غيرعمر الرمة عمر الجزمة وعمر الغمة
وبلادنا السمحة بقت ماخورو غسيل اموال
رجال اعمال وما اعمال وامور في الضلمة
وابراهيم روثمان كان شريفا كان عفيفا
مهما كان ومهما قالوا ولكن ما باع شرف الامة!
هم من فتح الوطن ( سبعة بيوتا) للاغراب والجندرمة!
ومن يوم جونا راح الشرف الباذخ وكان هوان الامة
شرف الامة الجابت كرري وجات بالدم
وسيوف العز ما بتتباع بهذا الحال الرمة
ما بتتباع بالقسم الخايب وكلام الزول عديم الهمة
ومن يومداك لحد الليلة تحت الجزمة
ننوم بالجزمة ونقوم بالجزمة

قياداتنا نواراتنا املنا وامل الامة
وينو نضالكم وين اخلاقكم وشرف الكلمة
وشرف الدم الراح مسفوكا
دم الشهداء الرفضوا بيع الزمة
شنو الاتغير
وليه ما نجر الشوك في جلد الزول الرمة
الزول الجاكم يوم وراكم طعم الذلة
الزول الجاكم يوم زراكم وسبتو الدولة
الزول الجاكم وقال عليكم كلاب الحملة
شنو الاتغير ما هو زاتو الزول الخملة
عمر الكاتل عمر السارق مال الدولة
شنو لقيتو من عفن الدنيا هذي الفانية
غيرالموت غير العيب وغير الذلة

وشوف يا عمر الجزمة يا وروار يا بكاااي
نحن ما شعب ( الجلبي) ولا شعب ( كرزاااي)
نحن شعب اكتوبر شعب ابريل ماهو عميل
شعب اصيل شعب نبيل
شعب عتيد رياح هببااااي
في رمشة عين نشيل الطاغية
لاباااي باااي ولا اسفاااي
شعب الليلة استاندبااااااااي!
وما تقول نحن بنرجااااك لي لاهااااااي
ويوم الحارة يا بكاااي
اخااااف انك تجر براك لي لاهاااااي
ما الزول الكاتل حبيبو
ما بيفش غباينو حكم لاهاااي
وما بنفش الا لمن اشوفك معلق تكورك ضارب اللالاي
والزول المجروح معذب ما بيطفي نيرانو حكم لاهاااي
بدور انفش يوم اشوفك تسوي في الوااي واااي
واخاف نشوفك برااك جاااري لي لاهااااي
ماالثورة جاية وحصان ابريل اصيل جرااي
حصان ابريل اصيل جرااي
..

الاكرم اكرم ..قصيدة معبرة ..فقط من هو شاعرها ..شكرا على المرور .

i have no idea i just did copy paste from other site and then Thought it would math what you wrote here and May be somone like you didnt like the word Shahateeen , sorry for the late resoponse.. enjoy it