اخر نكتهههههههههههههههههه

(واحد جاب لزوجته سمكة قال ليها حمريها ، قالت زيت مافي ، قال طيب اشويها ، قالت ليه دقيق مافي، قال ليها طيب اسلقيها ، قالت المويه قاطعها ليها سبعه يوم ، قام رجع ورمى السمكة في البحر، السمكه هتفت : (سير سير يا البشير)

مسطول مشى الدكان يشترى طحنية
سيد الدكان بدا يلف ليهو الطحنية في جريدة
المسطول كشّف كدا شاف في الجريدة صورة المتعافي
قال لسيد الدكان عليك الله اديني ليها في يدي .. زولك دا بيسفها

هدندوي لقى دفار البوليس
مالينو طالبات جميلات معتقلات،

قام سأل بتاع الدكان:
بنات هلوين ديل مالو؟


:الراجل قال ليه
كانن في مظاهرة بتاعة شيوعيين وقبضوهن.

الهدندوي مشى جنب الدفار
والعسكري الحارسو كان شايقي


وهتف: آاش نِدال التبقه الآمِله
(عاش نضال الطبقة العاملة)


...العسكري طنشو

آاش كفاح الشعب السوداني
آاش الحزب الشيوئي السوداني

العسكري ما اشتغل بيهو شغلة

يعيش مهمد ابراهيم نوكد.

:العسكري عاين ليهو وقال


والله الليلي إنكان بقيت لينين
ما بتركب في الدفار ده !![justify]