دفتر الحضور اليومى

سلام للجميع
مشاركتى لليوم نكتة:
واحد مشى لى محل وطلب من صاحب المحل كوارع، صاحب المحل
لفاها فى جريدة وأدّاها ليهو. قام صاحبنا فتح اللفة لقى فيها تلاتة أرجل
عاين لى صاحب المحل وقال ليهو:
إنت الخروف بتاعكم ده كان ركشة ولا شنو؟

سلام للجميع
تمعّنوا فى هذين البيتين من الشعر:
لا تظلمنّ إذا ماكنت مقتدرا فالظلم آخره يأتيك بالندم
نامت عيونك والمظلوم منتبه يدعو عليك وعين الله لم تنم

ـــــــــــــــــــــــــــــــــــــــــــــــــ
أستاذ عمر حضوور

يسأل منك الخير يا أبو عمير .. الأيام دي عامل فيها طالب نجيب ...لكن قاري كل يوم.

ameen ya rab ..wa yewafeg algamee3
wa hak up

نشيد أمة الأمجاد
للشاعر: مصطفى عبدالرحمن
ـــــــــــــــــــــــــــــــــــــــــ
سلام للجميع
دائما أتغنى بكلمات هذا النشيد الرائع، فكلماته ولحنه تعجبانى جدا

أمتى يا أمة الأمجاد والماضى العريق
يا نشيدا فى دمى يحيا ويجرى فى عروقى
أذن الفجر الذى شق الدياجى بالشروق
وطريق النصر قد لاح فسيرى فى الطريق
قبلة الأنظار يا أرض الهدى والحق كنت
ومنارا فى دجى الأيام للعالم عشت
أنت مهد النور .. مهد الفن والعرفان أنت
وستبقين ويبقى لك منا ما أردت
لا تبالى إن أساء الدهر يوما لا تبالى
قد صحونا لأمانينا .. صحونا لليالى
لك يا أرض البطولات ويا أم الرجال
ترخص الأرواح فى يوم الفدى يوم النضال
للغد المشرق يندى بالأمانى والعطور
أمتى .. سيرى إلى المجد و جدى فى المسير
حققى بالعمل البناء أحلام الدهور
و اصعدى بالعلم والأخلاق للنصر الكبير
اصعدى يا أرض أجدادى وأمى وأبى
اصعدى يا قلعة يحرسها كل أبى
اصعدى يا مشرق النور لأغلى مأرب
اصعدى للقمم الشماء فوق الشهب
أمتى يا أمة الأمجاد و الماضى العريق
يا نشيدا فى دمى يحيا ويجرى فى عروقى
أذن الفجر الذى شق الدياجى بشروق
وطريق النصر قد لاح فسيرى فى الطريق
ـــــــــــــــــــــــــــــــــــــــــــــــــــــــــــــــــــ

سلام أستاذ عمر
لاحظت إنّو الفصل كلّو غايب أمس ومافى حد سجّل فى الدفتر
يا ربى ده ليهو علاقة بى حالة الطقس أمس؟؟
أنا غايتو خفت من الإنزلاق فى الجليد ودقّ الدلجة عشان كده غبت.

اولا امة الامجاد بقت امة الركشات وتاني حاجة شوفي ليك عزرا مقنع قال شنو خايفة من الانزلاق تقعي وتقومي تتنفضي من التراب وتواصلي المسير للمدرسة ماشايفاني تليب بالشباك ودفتر عيادة يعني طالب ثالي عديييييييل كده ربنا يسهل لكم تحياتي

اخي عمر سلامات بالكوم والردوم اول حاجة عرفت ابيات الشعر علا الكلام البعدو ياريت تقولو بالعربي لاننا رطانة والعربي القوي ده نحن ماقدرو ونسيت الدكشنري بتاعي في المواصلات لك ودي .

أستاذ عمر سلامات
نأسف لكثرة الدودوة والإزعاج ( لازم نكتبها كده عشان جمال ده يفهم)
وبعدين زول بيتلّب بالشباك، يعنى أكيد مزوّغ حصص كتييييرة
أكيد مبتقدر تفهم حاجة مع تلّيب الشبابيك ودفاتر العيادات!!
أستاذ عمر لازم تعمل لينا حصص بتاعة لهجات.

انتي بس فلاحتك فيني انا مش هسي قصيدتك دي ناقصة نقوصية ماعادية وين اووووواووووو اووووواووووو عشان القصيدة تكون تامة اما الموسيقي علينا جاي اقصد علينا نحن ما تختوا لينا موضوع ناقص لو سمحتوا لكم ودي .

انتوا المدرسة دي اساس ولا ثانوي عشان الواحد يقدر يردف حسب الجالد يعني الاستاذ اقل من الصول جدا بنادي الصول لكن البرقد ليك منو .

جمال كتب: "انتى بس فلاحتك فيني انا مش هسي قصيدتك دي ناقصة نقوصية ماعادية وين اووووواووووو اووووواووووو"

جمال الله يجازى محنك ضحكتنى ضحك شديد خلاص
بالله خلّى الهرجلة بتاعتك دى، زى ما قال ليك حضرة الناظر تجيب الصول وتجى.
وأساس شنو يازول؟ دى ثانوى عدييييل لاكين إنت ذاتك باقى لى فططوك كم فصل، هسى ده يقولو عليهو شنو ده:
"ناقصة نقوصية"
ده عربى ولا رطانة؟
بالمناسبة نشيد "أمّة الركشات" ده هههههه عاوزين نغنيهو كلنا يوم الحفلة.
تحياتى.
ــــــــــــــــــــــــــــــــــــــــــــــــــــــــــــــ
أستاذ عمر
أها فى إنتظار تانى حصّة فى اللهجات، تشكر.

مرحبا بالأستاذ أشرف محمد زين
شرّفت المنتديات.

أها فى إنتظار تانى حصّة فى اللهجات

والله يا استاذة وصال نحن لهجتنا فيها معركة قديمة لسع ما اتحسمت واصل الخلاف هو انو هل اللهجة الشايقية لغة ام لهجة دا نمرة واحد ونمرة اتنين اذا كانت لهجة -ودا فى تقديرى الاقرب للحقيقة- هل جذورها من اللغة العربية ولا اللغة النوبية ؟ الشاهد أن كثير من المفردات فى لهجتنا خصوصا المرتبطة بالزراعة وادواتها متشابهة إلى حد التطابق مع اللغة النوبية - لى قدام بجيب امثلة ونمازج -وللتأكيد على صحة هذا الافتراض كثير من مفردات اللهجة الشايقية لو نطقها لسان شايقى قد يجد الأخر النوبى صعوبة كبيرة فى فهمها اما لو نطقها لسان نوبى فمن المؤكد ان الاخر الشايقى لن يفهمها على الاطلاق من الكلام دى داير اقول أن معرفة اللهجات السودانية قضية مهمة للغاية والجهل بها من عوامل إستمرار حالة أن السودانيين مابعرفوا بعض ودا مع عوامل اخرى كثيرة سبب من اسباب الحروب عشان كدا المطلوب ماحصة ولا حاجة بل مساهمات جادة من الجميع للتعريف بلهجاتهم ومحاولة مقاربتها بالاخريات عسى ولعل نساهم فى قضية انصهار مكونات شعوب السودان والى ذلك الحين ....
جرى الجر داك انتقى ارمى
والتحيات النواضر

كويس يا عم الاستاذ الناظر المدرس عمر قاقح قعورد راسي يلوب قعقع الشافي الله يتخايل لي والله اعلم جزء من اللهجة الشايقية .
حضووووووووووور

يتخايل لي والله اعلم جزء من اللهجة الشايقية .

ما اظن ما اظن يا جمال
والتحيات النواضر


ن ح ن ه ن ا

"قاقح قعورد راسي يلوب قعقع الشافي الله"
جمال:
ده شنو ده هسه؟؟؟!!!!!!
ما عرفتو عربى ولا رطانة
أها الناظر ذااااااتو قال ليك دى ما لهجة شوايقة، تعال بالله فك الخط وأشرح!
أنا غايتو فهمت فقط ديل:
راسى، الشافى الله، ويتخيل لىّ قعورد معناها:
قعد أورد، يعنى بتجينى حمّى، ولا مش كده؟؟؟
أما الباقى داير ليهو مختار الصحاح.
ـــــــــــــــــــــــــــــــــــــــــــــــــــــــــــــــــــــــــــــــــــــ
أستاذ عمر سلام
فقدناكم فى الحفل ولكن برضو بنحترم خياراتكم.

اصل الكلمات هي قعورد يعني بتجيني حمي قعقح عندها كحة راسي يلوب قعقع راسي بيلف وبقع والتحيات الانضر مع مودتي
حضور قبل الاستاذ زاتو اجتهاد ماعادية.هههههههه

جمال كيفك
هههههههه
يادوب فهمنا الحاصل، بس دى لسع ماوقعت لىّ (راسى يلوب)
شكرا للشرح والتوضيح، نرجو المزيد، حوّل.
ــــــــــــــــــــــــــــــــــــــــ

أستاذ عمر سلام
أظنّها لهجة شوايقة.
بطّلت حصة اللهجات ليه؟؟ واصل لو تكرمت.
سجّل عندك:
حضــــــــــــــــــــــــــــــــــــــــــــــــــــــور

أستاذ عمر
شكرا كتير وفى إنتظار حصة اللهجات فى السمستر الجاى.
ربنا يرحم الوالد ويحسن إليه.
ــــــــــــــــــــــــــــــــــــــــــــــــــــــــــ
ناوية آخد جائزة الطالب المثالى فى الحضور هههههه
سجّل يا أستاذ: حضــــــــور

تغيبي شهر وتجي اسبوع وعايزة الطالب المثالي في الحضور بتحلمي ونحن يدونا شنو شندوتش ولا كيف تليب وتظلت ونسيان كتب وكراسات وبرضو بنجي المدرسة غايتو الواحد ما بيصرح لكن لو ادوكي ليها معناها في طواطؤ من ادارة المدرسة ونحن ندين ونشجب لحدي الامتحانات نشوف والله يحيينا لكم تقديري .

جمال
الغيرة ليك شنو، عملتها ظاهرة لاكين
وبعدين هزارنا ومناكفاتنا دى خلّيها محصورة فى بوست الجليد، مالك داير
تقلب علينا حضرة الناظر؟هههههههه
ثمّ ثانيا، الحمد لله: لا قعد أنط فصل بى شباك، ولا قعد أقول عيّانة
بالكضب كضب فى دفتر العيادة، بغيب من المدرسة بأعذار شرعيّة
(شفت كيف؟) وجه مكشّر.
ــــــــــــــــــــــــــــــــــــــــــــــــــــــــــــــــــ
أستاذ عمر سلام
عليك بالتجاهل
و
حضوووور

أستاذ عمر
لعلّك بخير وعافية
كل يوم بجى المدرسة بلقاها مقفّلة ومافى زول
وماقلت لينا يا حضرة الناظر إنو فى أجازة.
قلت أتلّب بالحيطة، لاكين قلت مافى داعى للفوضى
والهرجلة بتاعت ناس كده.
المهم فى الإنتظار إن شاء الله المدرسة تفتح قريب.
دمت والأسرة بخير.

والله الناس ديل من المواظبة بيتلبوا الحيطة حتي لو الاستاذ غياب يعني طلبة مثاليين من دون منازع خلونا من الاعزار الواهية مرة خايفين من الانزلاق ومرة ماعايزين تكونوا مهرجلين زي ناس كده مع العلم انه الهرجلة نوع من المشاركة المنظمة ههههههه لكم ودي .

"الهرجلة نوع من المشاركة المنظمة"
جمال:
قلت كدى؟ الهرجلة مشاركة منظمة؟
حتى الهرجلة حللتها و سمّحتها لى نفسك؟
طيّب ننتظر و نشوف حضرة لناظر حيجى يقول شنو.

انتي ماشفتي ناس هناي ديلك سمحوا الكتل واكل اموال الناس وووووو حاجات كتييييرة وصلطة وعيش انا بس حتة الهرجلة دي يحاسبوني عليها والله محن غايتو علي كلامك نستني الناظر ونشيف .

جمال إزّيك
ولا محن ولا حاجة
ماهو ناس هناى ديلاك السمّحو الكتل وأكل أموال الناس، إنت قايلهم
إبتدو كيف؟
بالهرجلة وتلّيب شبابيك الفصول والحيط وكمان نسيان كراساتهم
ودفاترهم فى البيت، شفت كيف؟
يعنى الفيك إتعرفت من هسى ياجمال ههههههههههه.

حضرنا والاستاذ مدسي من المطرة وبقية الطلبة الخايفين من الانزلاق الجليدي غيااااااااب ينعي نحن حضووووووووور ودمتم .

الشعب حبيبى وشريانى ...
للشاعر: محجوب شريف

الإسم الكامل
إنسان
الشعب الطيب والدىّ
الشعب حبيبى وشريانى
أدانى بطاقة شخصيّة....

من غيرو الدنيا وقبالو
قدامى جزائر وهميّة
لا لون..
لا طعم
ولا ريحة
وأيام مطفيّة مصابيحها
زي نجمه بعيده ومنسيّة.....

المهنة:
بناضل وبتعلم..
تلميذ فى مدرسة الشعبِ...

المدرسة..
فاتحة على الشارع
والشارع فاتح فى القلبِ...

والقلب..
مساكن شعبيّة

ودينى محل ما تودينى
شرّد إخواتى وإخوانى
فتش أصحابى وجيرانى
خلينى فى سجنك...
وأنسانى
في سجنك جُوّه زنازين
أرمينى وكتّف إيدىّ

من أجل الشعب السودانى
وعشان أطفالنا الجايين..
والطالع ماشى الورديّة

وحياه الشعب السودانى ..
فى وش المدفع تلقانى
قدام السونكى حتلقانى ..
وأنا بهتف تحت السكين
الثورة طريقى وأيامى ..
معدودة
وتحيا الحرّية

انتو المدرسة دي قفلوها ولا شنو كل يوم الواحد يجي يلقي الباب مقفول والخفير مافيش ما عارف الحكاية شنو يعني لو معجزين ورونا وبعدين عجازة من غير امتحانات دي ما ادونا ليها ولا الواحد ما كان حاضر انا ماعارف غايتو حضووووور رغم غياب البقية .

أستاذ عمر
سلام
مالكم عاملين
على العموم شكرا على الكلمات الجميلة

خلاص إنتهينا من ال ومستعدّين للإمتحانات
جمال ده خلّيهو، أظنّو حصل ليهو
قول ليهو أنزل المحطة الجاية هههههههه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
معليش يا أستاذ عمر، يادووووبك إتعلّمت الوشوش المعبّرة
دى بتعمل كيف ههههه

انا متاكد انك استفدتي من الاهداء العملت ليك ولماما وبابا والجد شعبان غايتو جنس نكران للجميل برضو حضور رغم انوف الحاقدين

كلمات أغنية يا وطنى يا بلد أحبابى - أغاني سيد خليفه -

يا وطنى يا بلد أحبابى فى وجودى أحبك وغيابى
يا الخرطوم يا العندى جمالك ..جنة رضوان
طول عمرى ما شفت مثالك
فى أى مكان
أنا هنا شبيت يا وطني
زيّك ما لقيت يا وطنى
يا وطني يا بلد أحبابى فى وجودى أحبك وغيابى
فى وجودى أحبك وغيابى
ياحليلك وياحليل أيامك
على ليالى زمان
وقلبى عايش لغرامك ما بعد غرام
كانت أيام يا وطني
زى الأحلام يا وطني
بتذكر فيك عهد صبايا
على شاطئ النيل
حبيبى جالس حدايا
أسمر وجميل
أنا بفخر بيك يا وطني
بالروح أفديك يا وطني