دفتر الحضور اليومى

عمر ادريس في الجمعة 31 ديسمبر 2010, 12:43 am

ما شاء الله يا جماعة شايف الناس مواظبين على
الحضور والمشاركة .
تعالوا نديها دفرة لنرتقى بمنتديات جاليتنا العظيمة ..
* نسجل فى دفتر الحضور يوميا
* ندعوا الجميع لتصفح الموقع والتسجيل لعضويته
* نناقش ما امكن المسجلين سابقا بمعاودة النشاط
قلتوا شنو ؟
والله الموفق

mohammed kamal في الجمعة 31 ديسمبر 2010, 11:20 am

i agree

Gamal Musa في الجمعة 31 ديسمبر 2010, 1:00 pm

اها والواحد لو عيان او عاوز يزوغ في دفتر عيادة ولا مافي عشان نعمل حسابنا انت عارف الحصتين الاوائل ديل متعبات شكرا علي الفكرة اخي عمر ولك التحيات النواضر I love you

عمر ادريس في السبت 01 يناير 2011, 1:00 am

حضور متاخر مع الاعتذار
شكرا الاعزاء
محمد كمال
جمال موسى
وكل عام وانتم بالف الف خير
جعله الله عام خير وبركة على الجميع

عمر ادريس في السبت 01 يناير 2011, 12:49 pm

للجميع

Sami Alatabani في السبت 01 يناير 2011, 7:56 pm

تعالوا نديها دفرة لنرتقى بمنتديات جاليتنا العظيمة

نرتقى بيها كيف ونحن ما زلنا فى المربع الاول

(بوست الهادى الضلالى مثالاً)

الرائع عمر ادريس وصحبه الكرام
كل عام وانتم بالف خير

عمر ادريس في السبت 01 يناير 2011, 10:09 pm

نرتقى بيها كيف ونحن ما زلنا فى المربع الاول

(بوست الهادى الضلالى مثالاً)

تقديم الافضل لنرتقى بها وننتقد الموجود للوصول
الى نفس الغاية وكل الطرق تؤدى إلى الإرتقاء
المهم يكون الهدف واضح .

مع الف تحية أخى سامى ..وعيد سعيد وعمر مديد
والسلام للاسرة

mohammed kamal في الأحد 02 يناير 2011, 12:21 am

كل سنة والجميع بخير

wisal m.abdelal في الأحد 02 يناير 2011, 10:12 am

كل عام والجميع بخير
شكرا أستاذ عمر على فكرة الدفتر
حضور متأخر نأسف للتأخير
سجّل اسمى.

عمر ادريس في الأحد 02 يناير 2011, 5:07 pm

شكرا جزيلا الاعزاء
سامى العتبانى
محمد كمال
الاستاذة وصال
وشكرا لى رقيبتى دى عشان حضووووور

اعتقد بعد دا بنحتاج لخضر بشير فى الاوصفوك .. ولا كيف ياسامى ؟

wisal m.abdelal في الإثنين 03 يناير 2011, 10:14 am

هنا

Gamal Musa في الإثنين 03 يناير 2011, 11:45 am

نحن هناااااااااااك Mad

عمر ادريس في الإثنين 03 يناير 2011, 7:47 pm

wisal m.abdelal كتب:هنا

Gamal Musa كتب:نحن هناااااااااااك

ايضا حيث أن وكذلك ...

تسلموا

Sami Alatabani في الثلاثاء 04 يناير 2011, 2:32 am

كده كيف

شوف بالله نادر ده كيف متالق ونادر

عمر ادريس في الثلاثاء 04 يناير 2011, 11:30 am

موووووبالغة ياسامى شكرا كتير ..وحضور

عمر ادريس في الثلاثاء 04 يناير 2011, 11:33 am

كيف يجهلوك

كيف يجهلوك وعلى الجمال العادى راحو يمثلوك

لو بادلوك عين الحقيقة او بالبصيرة تاملوك

بالنور او بالنار او بقدر ما صاغ الخيال ما عادلوك

كوكب منزه فى علوك سحرك غريب شخصك بعيد

لو كان قريب انواره آخذة بدون سلوك

يبرق سناك فى غيهب الليل الهلوك

اظرف شمائل زاملوك هم اكملوك ادبك شفا فيك

موهبة وطبع الملوك

يا جميل الاوصفوك

عمر ادريس في الأربعاء 05 يناير 2011, 5:44 pm

حاضرين ..بحمد الله

فكرة ممتازة ورائعة
حضور متاخر مع الاعتذار
وكل عام وانتم بالف الف خير
جعله الله عام خير وبركة على الجميع

هاشم دبذ في الأربعاء 05 يناير 2011, 10:54 pm

نرتقى بيها كيف ونحن ما زلنا فى المربع الاول

(بوست الهادى الضلالى مثالاً)
[quote]
كلام اخونا ابوكريم دا صحيح مية المية
1- الموقع ملك عام للاعضاء المشتركين بالجالية يعنى ليست ملك للجنة التنفيذية
(اذا الكلام ما صحيح قولو لى وصلحونى )
2-التصميم جميل جدا والشكر للباشمهندس المنزر
3- والمهم عشان ترتقوا بيهو ونجى يوماتى نعمل الاتى :-
ا- نبز المهاترات الشخصية وتوقيفها من الان
ب-عدم استعمال الموقع كملك خاص
ج-جلب كتاب اكفاء
د- تنويع المواضيع اليوماتى
ه-عدم تلوين الموقع نهائيا
ونواصل غدا انشاء المولى
انا هاشم دبذ وبس

عمر ادريس في الأربعاء 05 يناير 2011, 11:02 pm

شكرا جزيلا الاعزاء
الزعيم المنذر
هاشم دبذ
الى الامام

Sami Alatabani في الأربعاء 05 يناير 2011, 11:15 pm

1- الموقع ملك عام للاعضاء المشتركين بالجالية يعنى ليست ملك للجنة التنفيذية
(اذا الكلام ما صحيح قولو لى وصلحونى )
2-التصميم جميل جدا والشكر للباشمهندس المنزر
3- والمهم عشان ترتقوا بيهو ونجى يوماتى نعمل الاتى :-
ا- نبز المهاترات الشخصية وتوقيفها من الان
ب-عدم استعمال الموقع كملك خاص
ج-جلب كتاب اكفاء
د- تنويع المواضيع اليوماتى
ه-عدم تلوين الموقع نهائيا

ده كلام سليم يا دبذ
يا عمدة عمد الولايات الامريكيه كلها
اكيد مودتى

wisal m.abdelal في الخميس 06 يناير 2011, 12:41 am

الاستاذ/ هاشم دبذ
السلام عليكم ورحمة الله
لى بعض الملاحظات والتصحيح على ما أوردته مشكورا من نقاط:
ـ فى رأيى أن الموقع متاح للجميع ولم يدّع أحد بأنه ملك للجنة التنفيذية، حاليا
هنالك ثلاثة أعضاء فقط من داخل اللجنة من مجموع 11 عضو يعتبروا مواظبون على المشاركة واثراء الموقع مما يعدّ محمدة ولا ضير فى ذلك، وهم:
الأستاذ محمد كمال السكرتير الرياضى
الأستاذ جمال موسى السكرتير الثقافى
وشخصى، السكرتير الاجتماعى
مع العلم يأنه من المفترض أن تعمل جميع السكرتاريات على اثراء الموقع بمختلف المواضيع كل حسب تخصصه ومجهوداته.
ـ دليل آخر على أن الموقع ليس حكرا على أعضاء اللجنة التنفيذية، هنالك أفراد وجهات داخل وخارج فلادلفيا تستخدم الموقع للاعلان عن أنشطة مختلفة بالاضافة الى مشاركتهم بمختلف المواضيع لاثراء الموقع، فشخصك الكريم أبلغ دليل
على ذلك.
ـ لا أظن أن المنذر بابكر ـ صاحب الموقع ـ منع أحدا من التسجيل أو المشاركة، بل هو متاح للجميع على مستوى العالم، شخصيا، أدعو دائما الجميع للتسجيل والمشاركة الفعّالة ولكن معظم الأعضاء المسجّلين يستخدمون الموقع للاطلاع والتصفح فقط.
ـ أستميحك عذرا ان قلت لم أفهم ماذا تقصد بعدم تلوين الموقع؟
ـ لك الشكر والتقدير مرة أخرى على المشاركة للارتقاء بهذا المنبر
مع فائق الاحترام.
وصال محمد عبد العال
السكرتير الاجتماعى للجالية

عمر ادريس في الخميس 06 يناير 2011, 7:43 pm

مشرفة كتير الاستاذة وصال
--
الاخوة الاكارم
سامى , هاشم
بوست (الهادى الضلالى) مفتوح وتجدونى
فى غاية السعادة والترحاب فى انتظار
ملاحظاتكم ونقدكم فى البوست نفسه .
مع الف تحية
--
وجينا

Gamal Musa في الجمعة 07 يناير 2011, 12:55 pm

بسم الله الرحمن الرحيم
السلام عليكم ورحمة الله وبركاته الاخوة والاخوات علكم طيبين والله مرات الواحد بيحس انو المنتدي قاصدني عدييييل كتبت لي تعليق اشادة بالعمل الرائع من الاخ عتباني وعتاب للاخ عمر ومانزل لكن بعتزر للاخ عتباني وبقول ليه بجد عمل رائع ولعمر اتاخرت في الفكرة لكنك ماقصرت برضو لميت الناس وانشاءالله دوما لمة خير .
كسرة صغيرة:عايزين دفتر العيادة لانو مرات الواحد بيكون عايز يزوق من الحصص الصباحية. ودمتم اعزتي Very Happy

wisal m.abdelal في الجمعة 07 يناير 2011, 8:30 pm

شرّف الله قدرك يا أستاذ عمر، شكرا.

عمر ادريس في الجمعة 07 يناير 2011, 9:05 pm

جيناكي زي وزين هجر الرهيد يوم جفّ

عمر ادريس في الجمعة 07 يناير 2011, 10:18 pm

كسرة صغيرة:عايزين دفتر العيادة لانو مرات الواحد بيكون عايز يزوق من الحصص الصباحية

ههههههههه

تصدق ..
يحول للطبيب
التوقيع ..
عن مدير المدرسة
--
قرار الطبيب : حبتين سلفة مع مواصلة اليوم الدراسى .
--
ورحمة الله وبركاته العزيز جمال .. اها اسع ما كان اخير تغيب وتجى بدون اعلان ؟
منور ويا الف مرحب بيك
تحياتى

wisal m.abdelal في السبت 08 يناير 2011, 11:14 pm

Here

wisal m.abdelal في السبت 08 يناير 2011, 11:33 pm

هاشم دبذ كتب:
"- الموقع ملك عام للاعضاء المشتركين بالجالية يعنى ليست ملك للجنة التنفيذية
(اذا الكلام ما صحيح قولو لى وصلحونى )"

بنقول ليك يا أستاذ:
الكلام ده طبعا ما صحيح وقد تمّ التصحيح أعلاه وشكرا.

هاشم دبذ في الأحد 09 يناير 2011, 2:06 am

عمر ادريس كتب:
ما شاء الله يا جماعة شايف الناس مواظبين على
الحضور والمشاركة .
تعالوا نديها دفرة لنرتقى بمنتديات جاليتنا العظيمة ..
* نسجل فى دفتر الحضور يوميا
* ندعوا الجميع لتصفح الموقع والتسجيل لعضويته
* نناقش ما امكن المسجلين سابقا بمعاودة النشاط
قلتوا شنو ؟
والله الموفق

الاستاذة/ وصال
تحية طيبة
طبعا قلنا نساعد الاستاذ/ عمر بالدفرة

هاشم دبذ في الأحد 09 يناير 2011, 2:27 am

wisal m.abdelal كتب:الاستاذ/ هاشم دبذ
السلام عليكم ورحمة الله
لى بعض الملاحظات والتصحيح على ما أوردته مشكورا من نقاط:
ـ فى رأيى أن الموقع متاح للجميع ولم يدّع أحد بأنه ملك للجنة التنفيذية، حاليا
هنالك ثلاثة أعضاء فقط من داخل اللجنة من مجموع 11 عضو يعتبروا مواظبون على المشاركة واثراء الموقع مما يعدّ محمدة ولا ضير فى ذلك، وهم:
الأستاذ محمد كمال السكرتير الرياضى
الأستاذ جمال موسى السكرتير الثقافى
وشخصى، السكرتير الاجتماعى
مع العلم يأنه من المفترض أن تعمل جميع السكرتاريات على اثراء الموقع بمختلف المواضيع كل حسب تخصصه ومجهوداته.
ـ دليل آخر على أن الموقع ليس حكرا على أعضاء اللجنة التنفيذية، هنالك أفراد وجهات داخل وخارج فلادلفيا تستخدم الموقع للاعلان عن أنشطة مختلفة بالاضافة الى مشاركتهم بمختلف المواضيع لاثراء الموقع، فشخصك الكريم أبلغ دليل
على ذلك.
ـ لا أظن أن المنذر بابكر ـ صاحب الموقع ـ منع أحدا من التسجيل أو المشاركة، بل هو متاح للجميع على مستوى العالم، شخصيا، أدعو دائما الجميع للتسجيل والمشاركة الفعّالة ولكن معظم الأعضاء المسجّلين يستخدمون الموقع للاطلاع والتصفح فقط.
ـ أستميحك عذرا ان قلت لم أفهم ماذا تقصد بعدم تلوين الموقع؟
ـ لك الشكر والتقدير مرة أخرى على المشاركة للارتقاء بهذا المنبر
مع فائق الاحترام.
وصال محمد عبد العال
السكرتير الاجتماعى للجالية

الاستاذة وصال سلامات مرة تانى
شكرا على ما تقومون به من عمل تطوعى لخدمة الجالية بفلادلفيا
سؤالى طبعاً مجاوب عليهوا انا ومتفقين اذا علية تماما
انا فى رائ الشخصى كمتصفح يومى بهذا الموقع اريد عندما ادخل علية
استفيد منه وافيد ان وجد عندى ما يفيد الاخرين يعنى ماداير اجي اجد بعض المهاترات التى لا تشبع رغباتى فى الاطلاع (دا طبعا راى شخصى يا اخوانا)
الحاجه الثانية فى موضوع التلوين مقصود بيهو العرقى والدينى و السياسى

عمر ادريس في الأحد 09 يناير 2011, 8:10 pm

"بتطلعي إنت من غابات

ومن وديان

ومني أنا

من صحية جروف النيل

مع الموجة الصباحية

من شهقة زهور عطشانة

وفي أحزانه متكية

بتطلعي إنت من صوت طفلة

وسط اللمة منسية "

حضور

wisal m.abdelal في الأحد 09 يناير 2011, 10:05 pm

الأستاذ هاشم دبذ:
السلام عليكم
لا شكر على واجب
وشكرا للتوضيح مع إحترامنا الكامل لرأيك الشخصى.
وهذا توضيح أيضا من جانبى:
إذا تصفحت منتديات جالية فلادلفيا، فسوف تجد أنّ ليس طابعها المهاترات كما ذكرت، فإن وجد شئ من ذلك، فإنّ نسبته ضئيلة لا تذكر ولا ينقص ذلك من قدرها شيئا.
حسب رأيّ، لا أراها مهاترات ولكنها دعابات على سبيل المزاح والدعابة لكسر الروتين وجدّية المواضيع، وهؤلاء على معرفة ببعضهم البعض.
أحيانا، أقوم بالإطّلاع على بعض المواقع والمنتديات ـ إذا سمح الزمن ـ وأحيانا كثيرة لا أستطيع مواصلة القراءة نسبة للغة غير المحترمة التى يتم إستخدامها من قبل الأعضاء، وأحيانا شتمهم لبعضهم البعض، فنحن نحمد الله على خلو منتدياتنا من هذه الأشياء غير المقبولة.
بالنسبة لموضوع تلوين المنتديات، لا أرى لماذا أشرت إلى شئ ليس له وجود
فى منتدياتنا؟؟
مع خالص الإحترام
وصال عبدالعال

أستاذ عمر: سلام
حضووور

Gamal Musa في الإثنين 10 يناير 2011, 4:50 pm

غياب باذن من الناظر Sad

عصام همت في الإثنين 10 يناير 2011, 9:14 pm

كل عام والجميع بخير

عمر ادريس في الإثنين 10 يناير 2011, 11:47 pm

الف تحية ويامراحب الاعزاء ...
الاستاذة وصال
هاشم دبذ
جمال موسى
عصام مهدى .. تعظيم سلام وبركة بالعودة
قف
ترحيب حار بالاعضاء الجدد د. عز الدين سليمان وAli Ali
وين سامى العتبانى ؟ عله والاسرة بخير
والتحيات النواضر

عمر ادريس في الثلاثاء 11 يناير 2011, 5:33 pm

مساء النور

wisal m.abdelal في الثلاثاء 11 يناير 2011, 5:38 pm

مسّاك الله بالخير يا أستاذ عمر وبقية الرهط.

عمر ادريس في الثلاثاء 11 يناير 2011, 5:45 pm

عصام همت كتب:كل عام والجميع بخير

وانت والاسرة والاهل بالف خير وحمدا لله على السلامة
لقيت السودان - وخليتو - كيف ؟

هل السماء ما تزال صافية فوق أرض السودان أم أنّهم حجبوها بالأكاذيب ؟

تحياتى

عمر ادريس في الثلاثاء 11 يناير 2011, 6:02 pm

تسلمى يا استاذة وصال
ومعاك نمسى على الرهط الكريم
كلمة رهط دى نكتيها من وين؟ طولت ماسمعتها ويتخايل لى كان
فيها خلاف كبيربين بنى امية , وبنى كلب فى عهد الامويين ..
هل هم قوم ؟ ام عدد ..وكان عدد كم 2 ولا اربعة وما فوق ؟
ان شاء الله يكون اتحسم لصالح قوى الخير .
والتحيات النواضر

Gamal Musa في الثلاثاء 11 يناير 2011, 9:07 pm

الليلة والليلة الحصة بدات وانا يادوب جاي اخير الواحد يتلب بالشباك . بعدين شنو يا وصال رحط اقصد رهط اكتبي بالعربي عشان نقدر نفهم ولا عايزننا نمشي العيادة . لكم ودي حضووووووووووور Very Happy

عمر ادريس في الثلاثاء 11 يناير 2011, 9:37 pm

الليلة والليلة الحصة بدات وانا يادوب جاي اخير الواحد يتلب بالشباك . بعدين شنو يا وصال رحط اقصد رهط اكتبي بالعربي عشان نقدر نفهم ولا عايزننا نمشي العيادة .

---
تحضر ماتغيب ياحبيب

wisal m.abdelal في الثلاثاء 11 يناير 2011, 9:38 pm

الأخ عمر
والله ماعارفة الكلمة دى نكتها ممن وين غايتو جاتنى كدة فى راسى وخلاص، وأنا ذاتى لمّا بكتب فيها كان فى غبار طالع منها هههههه.
على العموم ممكن تكون الواجب المنزلى لليوم، أها أنا غايتو كتبتها، إنت وبقية الرهط أبحثو عن أصلها وتعالو. مش ده فصل مدرسى ولا شنو؟؟

wisal m.abdelal في الثلاثاء 11 يناير 2011, 9:51 pm

الأخ جمال
كيفك والسخانة
شنو الحكاية دايما جايى متأخّر وبأعذار واهية لاتسمن ولا تغنى من جوع
( واهية دى كيف معاك يا أستاذ عمر؟)
بعدين يا جمال نهاية السنة لمن النتيجة تظهر وتجى الطيش ما تقعد تجقلب
والشكر لى حمّاد.

عصام همت في الثلاثاء 11 يناير 2011, 10:49 pm

نحن هنا في فلادلفيا مجتمعنا عريق وهذا ما شهد به غيرنا عرفت
بين كل الجاليات السودانية فى المدن الأمريكية الأخرى بمواقفها الصلبة
وحياديتها ووضع مصالح أفرادها نصب عينيها.
الحراك الاجتماعي فيه راقي ومشرف ومعافي وسليم لاننا رغم التباين نومن لما
يجمعنا ونبتعد عما يفرقنا ولنا قنوات نمارس فيها ما يفرقنا ..السياسه بمراراتها..والجاليه هي الواحه الاجتماعيه التي تجمعنا ومسئوليتنا
جميعا الحفاظ عليها وتطويرها وحياديتها مع التسليم لكل قاعده شواذ ....نسأل الله أن يجمع شملنا ويوحد صفنا ويؤلف قلوبنا، ويعيذنا من مضلات الفتن ما ظهر منها وما بطن.

Sami Alatabani في الأربعاء 12 يناير 2011, 12:41 am

وين سامى العتبانى ؟

ها زول والله اخوك موجوود بس عندنا تلج زى التلج
عشان كده بدينا البيات الشتوى خلاص
تسلم وتشكرات على السؤال

wisal m.abdelal في الأربعاء 12 يناير 2011, 10:06 pm

سلام ليكم كلّكم يا جماعة الخير
طيّب بما إنّو لغاية الآن مافى زول حلّ الواجب المنزلى، أورّيكم الإجابة:
الرّهط: تعنى قوم الرجل وقبيلته.
الرّهط: أيضا عدد جمع من ثلاثة إلى عشرة، وبعضهم يقول من سبعة إلى عشرة
وقيل الرّهط مادون العشرة من الرجال لا يكون فيهم إمرأة.
الرّهط: أيضا تعنى العدوّ.
طبعا يا أٍستاذ عمر أنا قصدت بقيّة المجموعة، فالمعنى الأوّل هو الأقرب لقصدى
وما كنت عارفة إنها أيضا بتعنى العدوّ، فمعليش يا رهط.. أقصد يا جماعة..

عمر ادريس في الأربعاء 12 يناير 2011, 10:38 pm

منور ياعصام
---
اهلا بيك يا سامى ...
داوى البيات بالحقيبة ياخ
وسمعنا
---
سلام كتير استاذة وصال

الرّهط: أيضا تعنى العدوّ.

ههههه
ماعشان كدا انا بشجع بنى كلب
قف
اقل من ..
Hundred percent
شوية
وتحياتى للجميع

عمر ادريس في الأربعاء 12 يناير 2011, 10:44 pm

لحن الخميس

عمر ادريس في الأربعاء 12 يناير 2011, 10:54 pm

ظلموني الحبايب

وقالوا لي أنسى
من بعد المحنة
العشتها همسة همسة
بعد ما قلبي حبّ
وعشت مع الأحبة
تكفي عيوني نظرة
وتكفي قليبي لمسة
******
قالوا لي أنسى
وكيف انسى الليالي
والعين الخجولة
والخد البلالي
كانت أمسياتم
حلوات زي حلاتم
فيها الشوق بيظهر
والحب المثالي
*****
قالوا لي أنسى
وما عرفو العليّ
لو عرفوا الحبايب
كانوا يعودوا ليّ
ونعيد الخوالي
ونسهر في الليالي
ويفضل ريدنا يكبر
ويبقى الليل شوية