حقيبة الفن في السودان

اغانى الحقيبة ( حقيبة الفن في السودان )تمثل اغلبية الاغانى التي تتداول هذه الايام بواسطة المغنيين الجددوسميت بهذا نسبة لانها كانت تسجل على الاسطوانات الغير ليزرية القديمة والتى كانت تشغل بواسطة مشغلات توجد داخل حقيبة ومن هنا اتت التسميةوهناك شعراء للحقيبة امثال ابوصلاح - الجاغريو - العبادي - بطران - خليل فرح -عبد الرحمن الريح - سيد عبد العزيز - عبيد عبد الرحمن عتيق - عمر البنا - محمد علي الأُمِّي محمد ود الرضيوساحاول فى هذه المساحة ان اعرض بعض كلمات اغانى الحقيبة المنسية ارجو ان ينال الموضوع التقييم المناسب لاغانى الحقيبةولكم الشكر والتقدير .. مع ملاحظة تغذية الموضوع وإمدادنا بكل ما في حقائبكم من أغاني هذا الفن الجميل


حِـن ياقـمر اوفي لِي ميعادا مـنامي خاصـمتو ولَيَّ عـادي
غـمـضة اجـفاني طال بُعادا وسـاح دمـعي البِقـالي عـادة
ارجـو مِـن شـوفتك الاعادة جـفاك شقا ونــظرتك سـعادة
البـدور ناظـرة ليـك حسادي ودون حُلي بتضـوي خِلقة سادة
الشـعر فـي القـديم مسـادي والـرديف بـاقي ليـك وسـادة
حزت شـوقي الكِـتِـر ترادي وبالجـمـال حـازت انـفـرادا
تومـة الـبـدر قـلبـي رادا وامـري ســلـمـتـو للارادة
الشـعـور وافـر امـتـدادا مـع القِـديـم اتـصــل ودادا
السـهـام زايـد اشـتـدادا جـروحي هل تـدري بـي عِدادا
الضـمـيـر الرنـع تهـادي نـظرْتو بـي عينـي زاد سهادا
يانجـم سائــلك الشـهادة كفاي عذاب روحـي طال جهادا
ليك لحاظ مـاسكة في القيادة ولـي جروح مـاشّة في ازديادا
ارجـوك ياصـاحب السـيادة قلـيل مـراهـم مـن العـيادة
-------------------------------------------------------------

الفي دلالو وما اعظم جلالو استحل هلاكي ولي حرم حلالو
الهلال الشغل الناس هلالو الظلام حين شاف محيو انجلالو
ناضرة خدودو بالانوار يلالو اراح انفسنا بريحانة خلالو
المحجب مااكرم خصالو لي كاتل وليه صعبان وصالو
حسنو نامي ومافي انسان حصالو خلف حجبو بق النور عصالو
المحاسن في مراية جمالو رطب قوامو وخمر التيه امالو
يتلو قلبك حين تلة شمالو وتدعيلو عليه يدوم كمالو
المهفهف توب العز كسالو مثالو النعمة ومااسعد مثالو
جدايل ديسو الفي وردانو سالو وطيبو يعبق كل ما الليل مسالو
شالو فالو الناس يتمنو حالو مثال الباسم وحن الغيم سحالو
من ضميري حب الغير محالو ونام وخلي الكان نايم صحالو
الطريف السبي قلبي وصبالو لو رآه الكان راهب صبالو
الاشعة تشوفن في قبالو ولو نظرلك بتشيلك نبالو
مابيرحم قلبي الماخطالو وصد نافر وزاد الصد وصالو
احب في سماهو المافي ايادي طالو وعندي افضل من وفا ناس نصالو

محمد كمال ..يايابا تنعدل عليك شقيش ماتقبل .. بالله الزمن دا كلو وجدانى داب من شدة حبى لاغانى الحقيبة ,يازول انا ميت فيها عديل كدا .. وحكمت ربك ما كنت عارف سموها الحقيبة ليه ؟ إلا كان بوستك دا .. دحين تقبل شكرى وتحياتى لهذه المعلومة الجليلة
وانت جيتنى فى بكانى (الحقيبة)محراب الغنا الصافى الجميل
ومعاك